Malaysia: Covid-19 mizaw tampi an hmuhnak Pudu area chung cu May 14, 2020 in cozah nih red zone ah a chiah. Cu tikah a kiangkap cu thir hri in kulh dih a si. Pudu cu kanmah Chin ralzaam tampi kan umnak hmun zong a si.

Hi hnu ah zeitin dah an tawlrel lai ti theih asi lo. A karlak ah bawmh khawhmi hna an um sual ahcun red zone (Pudu hrenmi) hmun ah a ummi Chin ralzaam cazin laak a hau.

An kan tlaih ah maw, an kan kalpi maw zei ti a kan tuah hmanh ah kan mipi hna an i tel ahcun cazin ngeih a hau. Cu caah, Pudu area chung ii a ummi hna nih mah le khua upa sin ah min cazin ap ding a si lai.

Ap a herhmi hna

  • 1. Min
  • 2. UNHCR/ CRC card number
  • 3. Phone number

Theih herhmi

  • Khuami he funtom in ummi kan si ahcun khua upa sinah min peek in khua upa nih CRC ah ap ding a si lai.
  • – Mah khua upa te nih min an in laak cang hna ahcun pumpak in kuat ding a si ti lai lo.
  • – Khua upa sin a ap lomi lawng nih pumpak in peek a si lai.
  • – Min peek tikah a herh tiah a cunglei kan ttialmi tlamtling tein ap ding asi lai.

Pehtlaihnak
CRC hotline – 0166978568 (WhatsApp/SMS/Call)
CRC Information Unit – 014-2535209 (WhatsApp/SMS/Call)
CRC office – 03-21447271 (Call)

Zaangfah Nawlnak le Theihternak!

Covid-19 free in i cheknak ding caah min kan laakmi cu minung 500 ca lawng a si tiah anmah siikhan lei nih thawng a kan thanh caah min cazin laak kan ngol rih lai. Thawngpang kan theih a tlai ii kan mipi hna sinah thawngthanh zong kan tlai ve caah a ruah zia kan thiam hram uh. Nihin tiang min a kan peemi chungin 500 leengpi kan si cang caah min a pe ciami chungin auhmi ah kan i tel lo ahcun rak theithiam hram te uh tiah nawl kan in duh hna.

Note: 500 chungah ai telmi cu anmah siikhan nih direct in an in chawnh te hna lai. – CRC

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.