15.1 C
Hakha
Monday, June 21, 2021
- Advertisement -

Ṭial Tharmi

Pu Tun Aung le Salai Bawithawng Khenglawt nih CNF caah phaisa ting 30 an hlut

US ram California state um Pu Tun Aung le Texas state um Salai Cung Bawithawng Khenglawt nih CNF caah $1,000 (Kawlram ting 15) veve an hlut.

Mah kong cu Pu Daniel Sakhong nih atanglei bangin a ṭial.

Pu Daniel Sakhong: Chin miphun vialte nih zohchun awktlak CNF/UCCF ah $1,000 veve a bawmtu Pu Tun Aung (California um, FB ngeilo) le Salai Cung Bawithawng Khenglawt (Texas um, FB ah Thawng Cung Khanglawt) hna cungah kan i lawm tuk hringhran.

CNA ralbawihlun Pu Sunny Ngun Awi (Battle Creek, MI um) nih a ka chimh balmi cu “kan Chin miphun chungah an si khawh pah lo na tein CNF biatak tein phaisa a kan bawmtu, a kan ttanh tu hna hi sunghzatlaknak a tong hruhhral in an rak um nain a hnu ah USA an phan i nuamtuk in khua sa mi tampi ka tawn hna. USA ah khua an sak lawng si loin phaisa an ngei i chungkhar nuam tak in an um hna” ati.

A chapmi cu “a rak ngei, a rak rum ngai nain CNF kan har tuk lio ah a rak kan bawm duh lomi hna hi a hnu ah damlonak an tong, vanchiatnak an tong i, an ngeihchiah pawl a dih ti phun vanchiatnak a tongmi tampi ka tawn hna” a ti. “CNF kan rianttuannak hi Pathian nih a um pi i, CNF bawmh hi Pathian thlachuahnak a si” a ti.

Pathian dawtnak le vel thawng in Chin miphun tampi vawlei cung ram ttha bik pawl kan phan. Hi kan phanhnak ah Pathian nih CNF a hman. CNF umhlah seh law, kan sining le kan tuanbia hi phundang pi a rak si kho. Kan theih dih mi asi ko.

Nain, CNF a bawmmi hi cu kan tlawm ko. Kan tlawm taktak. Apoi tuk mi cu micheu cu CNF kan bawmh duh lo lawng si loin, a bawm duhmi pawl zong bawm lo dingin kan kham hna, thilttha lo kan tuah. Acheu nih Khrihfabu nih CNF/UCCF bawmh an timh i khuattha an khan lio ah dawntu, a khamtu ah kan i chuah. Hi bantuk miphun rianttuannak ah dawnkhantu lungthin ttha lo, Pathian zong nih a duh lo takmi ruahnak chia hi kan miphun ah a umnak hnga lo i zuam cio hram hna usih.

Pu Tun Aung le Salai Cung Bawithawng Khenglawt hi kan miphun ah a si kho bik zong an si theng lai lo. Nain kan Chin miphun lak ah CNF family zohkhenhnak UCCF ah mission nganbik pumpakin a tuahtu an si.

Tukum 2019 lawng a si lo, nikum 2018 zong ah hi mission ttha hi an tuah cang. An sin ah kan i lawm tuk hringhran tiah hi ca in kan vun langhter mi dah ti lo cu an caah thil ttha kan tuah khawhmi a um rih lo. Pathian tu nih thluachuah tampi rak pe chin ko hna seh. 

Ram ttha ah khua a sami Chin miphun vialte nih dawtnak kan ngeih ahcun CNF ah siseh, UCCF ah siseh bawmhnak kan tuah khawh dih. Pu Tun Aung le Salai Cung Bawithawng Khenglawt zat kan ti khawh lo hmanh ah zeimawzat cu kan ti khawh dih.

Miphun rian ttuanak dawnkhantu lungput a ngei i, thil tthalo a tuah tawnmi si hin loin, Pu Tun Aung le Salai Cung Bawithawng Khenglawt bantuk upat zohchun awk dawtnak lungthinttha kan miphun nih kan ngeih cio nak hnga Pathian nih Chin miphun pakhat cio kan lungthin ah rian rak ttuan hram ko seh.

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -