Wednesday, December 1, 2021

Pu Thawng Tu nih CNF/A caah tangka ting 100 leng a hlut

US ram um Pu Thawng Tu nih ‘Miphun Himnak (ENSF)’ caah tiin Chin Miphun Ralkap (CNF/A) caah $10,000 (Kawlram ting 100 le ting 40 hrawng) a hlut.

Pu Thawng Tu cu Hakha khuami asi.

“Atu bantukin CNF/A caah chawva in a kan bawmhmi cungah kan i lawm tuk hringhran. Pathian tu nih let tampi in thluachuah pe ko seh,” tiah CNF/A caah chawva kawltu a simi Chinland Club USA nih lawmhnak bia a chim.

Ram le miphun dawtu Pu Thawng Tu

Lakhruak Miphun Himnak Chaw (Emergency National Security Fund – ENSF) by CNF/A ralkap Salai Aik Thang Hwan

February 1st, 2021 in kan Burma Ram uknak cu kan duh lo ning pi in Ralkap nih an vun nam caah Feb 2nd, 2021 ah CNF nan kal pi ning kan duh lo hih tiah Statement kan cuah.

Feb 20th, 2021 ah tlangcung hriamtlai bu (10) i kan hruaitu zik hna PPST nih Ralkap nan kalpi ning kan duh lo tiah Statement an chuah rih.

Cabuai cung ah biaruahttinak (Political Dialogue) cu hnabeisei ding a vun tlawm thluahmah i, a dih cang ti ding kan phan. Kan i thim ding lam pakhat lawng a tang.

CNF/A ralkap

Cucu kan ralkap a let 4 le let 5 in vun tthawn ter ding lawng a si. Cu a si caah Lakhruak Miphun Himnak Chaw (ENSF) cu CNF Chairman Pu Zing Cung le GS Pu Thla Hei hruainak in Indianapolis khua ah February 2021 ah kan thawk.

Kan i tinhmi cu a ra laimi thla (6) chung ah ram (3) nak ah a um mi kan Chinmi sin in $4 Millions ($4,000,000) a ran khawh chung in kawl ding a si.

Emergency thil a si caah hi ENSF thawhnak ah hin kan Chin miphun a simi vialte nan kan tel pi dihnak lai kan in sawm hna.

CNF zungpi Victoria Sakhan ah 33nk Chin Dothlen Ni an tuah lio – March 20, 2021

Kan Chin Miphun 60,000 hrawng umnak USA ram ah hin $3 Millions hi kawl siseh law, a tang mi $1million hi kan Chin miphun 20,000 hrawng umnak Australia, New Zealand, Canada le Europe ram pawl ah sin ah kawl siseh kan ti.

Japan, Korea, Singapore, Malaysia le a dang Asia rampawl i kan Chin mipi sin zong ah a dang tein kawl chap ding kan ti tthiam tthiam nain anmah belte cu an umnak ram sining zoh in a rate kan tuak piak hna.

- Advertisement -