16.7 C
Hakha
Thursday, June 17, 2021
- Advertisement -

Ṭial Tharmi

Pu No Than Kap: CNLD Cozah le Phaisa Lut

Biahalnak – 2020 ah Chin party CNLD nih teinak hmu in cozah tlai sehlaw, Chin state tangka lut a zor tuk lai maw? Kawl party ah luh lo le i fonh lo cun ei ding ngei lo kan phan lai maw?

Tlangcung state 7 caah kum tin Rampi phaisa 11% lawng hman asi. Tlangcung state pakhat caah 0.7% lawng asi i 1% hmanh a tling lo. 90% cu central nih a hman. Rampi tangka ngahnak bik cu tlangcung state 7 asi fawn.

2008 Phunghram bangin rampi cozah nih ngeihmi cu phunghram ningin kalpi asi ruangah USDP nih cozah a tlaih zong, NLD le CNLD nih cozah an tlaih zongah Chin state caah a kan pek hrimhrim a hau.

Hihi rampumpi phaisa, rammi dihlak ta, kan zapi ngeihmi phaisa kan hman asi ko. Cu ruangah Chin party nih cozah a tlaih zongah central in phaisa lut cu a um lo kho lo. Phunghram nih a onh lo. Zei ruang ti ahcun, central nih budget a kan peekmi cu phunghram ningin an tuah hrimhrim dingmi asi. Phunghram an buar kho lo.

2008 Phunghram ningah, cozah phaisa hmuhmi cu central kut ah lut dih dingin an tuah (Article 231 le Schedule V ah zohte). Cu a lutmi chungin tlawmte a kan pek ve mi khi si.

Hitin budget kan ngahmi hi Kawl party ah kan luh ruangah le anmah kan kawp ruangah lawmhnak in a kan pekmi a si lo. 2008 Phunghram Article 230 ningin Rampi cozah budget chungin a kan pek i cucu phunghram nih a fial ruangah pekmi asi.

U Thein Sein (USDP) cozah chan ah “Kum 20 Chung Ram Ṭhanchonak Plan: 2011-2031” an rak tuah.

Cu policy zoh in state cozah (Chin telh in) plan an tuah i budget an phawt. Avoi 1nak kum 5 plan kha 2011-2016. Voi 2nak kum 5 plan cu 2016-2021 tiang an rak ngei cia.

Pu No Than Kap, Chairman of Chin National League for Democracy (CNLD)

NLD cozah cu April 2016 ah an kai. Cozah tangka kum cu April in aa thok ruangah 2016-2017 kum budget kha cu USDP tuah ciami an hman a hau. (NLD nih cozah budget kum cu October in thok dingin a thlen nain cucu upadi hran lawng asi).

NLD chan Chinram cozah hmalakmi (plans) zeimawzat hi cu USDP cozah chan lio i “kum-5 plan” sungah an rak tuaktan cia dihmi an si. Surbung Airport hna hi USDP nih a tuah ciami asi.

Chin state nih 2016 hnu kum tin phaisa kan ngahmi:

  • 2016-2017: 132.45 billion MMK
  • 2017-2018: 142.11 billion MMK
  • 2018-2019:144.11 billion MMK
  • 2018-2020: 164.832 billion MMK

MMK = Kawlram Paisa. 1 Billion =1,000 Million. 

Chin ramkulh i kum 4 chung budget 584.272 billion

Tu kum 2018-2019 ah ramkulh lakah Chinram hi budget ngah tambik a sinak aruang cu, Rampi cozah nih phaisa peknak tahfung 6 an hmanmi:

  1. Miphun zat
  2. Chin ram a bitkauh
  3. Sifah ning (poverty index)
  4. Mi pakhat nih ngunkhuai a pek khawh zat
  5. Khuapi um milu
  6. GDP per capita, tbk., ruangah Chin ramkulh cu bawmh a herh bikmi (a sifak bikmi) kan si ruangah asi. [Chin state cu Myanmar ram ah sifak bik state asi]

Thil sining dikta cu

Hnu kan taang tuk, Kawlram cozah nih a kan thlau tuk i a kan tanta tuk ruangah kan herhmi zong a tam khun i phaisa tam deuh hman a herhnak si.

Tahchunnak ah; state dang vialte college le airport an ngeih dih hnu lawngah Chinram caah tuah a si i hawihlei in kan herhmi a tam khun. College le airport tuah khawhnak cu 2008 Phunghram bangin rampi cozah kut ah an chiah fawn.

Chim Ko Usih Law

Kan dirhmun cu, mah tein cawl kho lo dingin kut le ke ṭem hnu ah kan nun fangfang khawhnak dingah rawl pek phun khi kan si.

Ram policy mah tein tuah khawhnak a kan phihpiak hnu ah, anmah nih a za an timi vial lawng ṭhanchonak a kan tuahpiak.

Amah tein rawl kawl kho loin kharkhumh hnu ah thi lo dingin a nunnak fanng rawl pekmi saram bantuk men kan si.

Kutdok hau dirhmun ah union central cozah nih a kan chiah tluk asi.

2010 – 2015 tiang USDP party le cozah nih Chinram an hruai, 2015 – 2020 tiang NLDD cozah nih Chinram an hruai. An rianṭuan dan le karhlan dang theih dih le hmuh dih an si cang.

2020 pinlei ah mipi duhpiak nakin CNLD nih teinak hmu in cozah an tlaih khawh ahcun, Chinram herhmi taktak theitu, hmutu le ṭuanchuah duhtu miphun party asi ruangah, cu hlan Kawl party cozah pahnih he cun kan i khat lai lo, Chinram phaisa lut zong a zor hrimhrim lai lo ti ka chim ngam.

- Advertisement -

Ṭial Tharmi

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...
- Advertisement -

Kawl Ralkap nih pumtlamtlinglo Chinmi 2 meithal in an kah hna i an hrem hna

Uknak firtu Kawl Ralkap nih June 10 ah Chin state, Mindat peng Phaya Sakhan khuate an luhhnawh i pumtlamtlinglo mi nu le pa meithal...

CDF le Kawl Ralkap i kah ruangah a zaammi Chin ralzaam tampi Mizoram ramri ah an i tap

Nai hrawng cu Chin state ah Chinland Defense Force (CDF) le uknak firtu Kawl Ralkap i kahdohnak a fah caah Chinmi a zaza nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -