Chin miphun a simi Pu Maung Ha cu EU nih ralkap cozah (State Administrative Council – SAC) hruaitu pawl dan a tatmi hna lakah aa tel ve.
Europe ram 27 funtomnak bu European Union (EU) nih ralkap cozah SAC chungtel mipi 10 le ralkap company 2 cu tuni ah dan a tat hna. Mah hi hmet law rel khawh asi.
Minung 10 cu uknak firtu ralkap nih rian a pekmi rammi (ralkap asi lomi) pawl an si. Mah hna cu;
- Pu Maung Ha
- Pado Man Nyein Maung
- U Thein Nyunt
- U Khin Maung Swe
- Daw Aye Nu Sein
- Jeng Phang Naw Taung
- U Sai Long Sai
- Saw Daniel
- Dr. Banya Aung Moe le
- U Chit Naing hna an si.
Ralkap cozah chungtel Pu Maung Ha cu Chin dothlennak hruaitu Pu Vum Thu Maung (tleicia) fapa asi.
Acunglei langhtermi minung 10 cu EU chungtel ram 27 ah tlawn an phih hna pinah sipuaizi tuah zong an phih hna. EU ah an ngeihmi chawva um ahcun an phihpiak fawn hna lai.
EU nih, “Mah minung 10 hi Myanmar democracy hrawktu le mipi hremtu an si caah dan kan tat hna,” tiah a thanh.
