Hakha, Thantlang le Yangon um Laimi nih kan bochan tukmi hla phuah thiam Pu Herh Lian, kum 50 nih tuni ah a kan liam tak.
July 31 muilai 6:50pm ah ruah lo piin a nunnak liam.
COVID-19 in a zaw i naite ah “Ka dam thluahmah cang” ati ko nai ruah lo piin a kan liamtak hi si.
A nupi le an fale 2 a tantak hna.
Yangon Lai Chiat-ṭhat Bu EC upa a ṭuan liomi asi.
“Pa Herh, na kan liamtak a tuan tuk ee. Na rianṭuan hawi le dawtmi na hawi le hna nih kan in philh kho bal lai lo. Kan mitthlam ah na cuang zungzal ko lai. Tantakmi chungkhar le ulenau vialte nan ngaihchiatnak Pathian tu nih in hnem ko hna seh,” tiah a ṭuan hawi Pu Lian Iap nih a ngaihchiatnak langhter.
Hla a phuah piakmi Myanmar Idol winner Esther Dawt Chin Sung zong nih, “Maw Vawilei! kan kualtlawn nak si ko hmanh seh law thihttian hi cu a fak tuk ee. Kan Laimi ringawng lei kan pa kan suttung pi a por ai ee ka pa Herh Lian na kan liam tak cu na sia a rem ko maw ka pa.
“Hla na ka tial piak mi hmanh ka sak dih rih tung lo. Ng cu Bawipa tangnem ah fah nak um lo ten na din cg lai. Tantakmi chungkhar Bawipa nih in hnem ko hna seh
“A fak tuk ee. Maw Vawlei. RIP ka pa Herh,” tiah a ngaihchiatnak a langhter ve.
Chinmi nih bochanmi kan pale mifim thiam nih pakhat hnu pakhat a kan liamtak lengmang cu ngaihchia tuk hringhran.
Herh Lian nih David Lai a phuahpiakmi hla
Herh Lian nih a phuahmi tampi lakah cheukhat pawl:
