2020- 2025 Chin Central MP Caah, Ka Thailung Mang – Part 4

Pu. Henry Van Thio hi cu ‘Michaw Mahchaw lole Mi Party Mah Party’ ti loin 2020 ah a tlin ṭhan hrimhrim a herh in a herh, Chinland zong nih a herh rihmi dirhmun ṭha a ngei ciami asi.

1st Step ah MP in Vice President ah a ṭhu kho manh cangmi CHIN PA asi. 3Ws ( Woman, Wine & Wealth) ah a min a chia balmi asi fawn lo.

Central ah NLD nih Cozah an serṭhan khawh ngaimi asi. 2020 ah a pehpeh in VP an pek ṭhan lo hmanhah, MP sawhsawh ahcun ASSK nihhin a chia bal lai lo (Cucu Ideology cu MAHSAHLAH chan hmanh ah an rak hman pengmi KAWL Ideology asi ).

Sizung ah mizaw thazaang a va pek hna lio

A tlawm bik Central Govt. DEPUTY MINISTER tal cu an pek hi zumh cio asi. Kan Van nih a kuaih ahcun MINISTER taktak hmanh an coter khawhmi asi. Ziahtiah, 2016- 2019 tiangah Kawlram pumpi huap in Minchiatnak a pelte hmanh a ngei rih lo.

Chinland ca le, Thantlang ca le, Bual peng, Tikir caah a ṭuan manhmi a nehnang tamlak nan hngalh cio ko va si kaw, chimrel piak len a hau ti lo.

A nupi he

Cun zapi nih a ngiat awkah kan hngalh lem lomi a inchungnu hi amah a rian ah a bawm khotu ding caah a zeilei paoh in a fit taktakmi Chin Nutling pakhat asi. Laiholh, Kawlholh le English a tukin aa tu.

Cataang lei ah Doctorate tiang a phaanmi asi. A pi (a pa ” Rev. Ral Buai ” i anu ) chan in Khrihfa ṭha le thlacam a ṭhawng tukmi chungkhar an si.

Hakha Viewpoint

Mahcaahcun, hi pa hi cu Kawl nih ”A TE YAHYAH, ASHIN YAHYAH” in Thantlang constituency pakhatkhat ahcun MP kan tlinter a herh RORI. Amahbelte Nawl a ngei bikmi hna cu Thantlang peng vote petu mipi nan si.

Caṭialtu: PPP [Canada]

Tial Lian Thang

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express...