15.1 C
Hakha
Monday, June 21, 2021
- Advertisement -

Ṭial Tharmi

Pu Chan Hre cu Ralhrang Lungput a Ngeih caah Khua Kan Kir Ngam Ti Lo

Pu Chan Hre le a tapeh pawl nih thi dengin an velh hna caah sizung a phanmi pawl nih tu zaan ah video in thil sining fianternak an chimmi ka zoh i zaangfak tuk an si.

“Pu Chan Hre cu ralhrang lungput a ngeih caah kan ṭih tuk i khua kan hlam ngam ti lo,” tiah Hmawngtlang Sizung phan lakin an velhmi Pu Cin Thawng nih a chim. Atu hi Hakha ah an zaam.

“Zeihmanh khua a ruat huaha lomi, mi thah le nawn zong a ṭih lomi phun deuh khi zuu a dangh hna i a hman hna caah Pu Chan Hre hi kan ṭih tuk. Kan khua Surngen ah kan kir ngam ti lo.

“Ralhrang ṭih in a zaammi, ralzaam dirhmun in a ummi kan si.

Pu Cin Thawng inn an hrawhpiak dih hna pinah sizung phan lakin an velh hna

“Thil sining cu kan chim cang ko i hmaihlei zeitin dah kan um lai ti cu cunglei nawlngeitu cozah nih hma nan lakmi cungah aa hngat ko lai,” an ti.

2020 August 10 zaan 11pm ah Thantlang peng Surngen ohsuh bawi Pu Chan Hre nih an khuami zuu ding pawl zuu a dangh hna i Pu Cin Thawng inn ah a kalpi hna.

Pu Cin Thawng inn cu thingtan le lungtum in an cheh i an hrawh dih. Inn chungah an luhhnawh hna i thi deng in an velh hna.

Pu Lian Mang, Hakha Sizung phan lakin ann velhmi

Pu Lian Mang cu a haa an thlongh dih pinah a mit thahri an chah. A hmai khat in thisen an chuah. A thaizing ah Hakha Sizung ah an kalpi i a mit cu operation an tuah.

Inn hrawhpiak dih a tongmi Pu Cin Thawng zong cawl kho huaha lo tiangin an velh i Hmawngtlang Sizung a phan ve.

Mah zaan an velh hna lio ah a zaam khomi Pu Van Peng cu a thaizing August 11 zaanlei 4pm ah Pu Chan Hre tapeh pawl nih a inn ciakhor ah an va velh ve i an thah dengmang ve.

Pu Van Peng, Hakha Sizung phan lakin an velhmi

A hnakruh 2 an khiah caah a thawh zong tho kho lo. Hakha Sizung ah an kalpi ve. Sizung ah ni 7 chung a riak nain atutiang a dam kho lo i a lengin sizung aa piah peng rih.

Pu Chan Hre nih a rem lomi khuami chungkhar 11 cu hlen fawi mino pawl aa ruaih hna i khua in an ṭhawl hna pinah a cunglei bantukin tukvelh dingin an tlerh peng hna caah hiti ning cun ralhrang Pu Chan Hre nih a kan hloh lai ti an phang i Surngen khua um ngam ti loin minung 4 cu ramtang ah an zaam.

Chungkhar 4 cu Hakha ah an zaam i chungkhar 1 cu Falam ah an zaam.

Taza an i cuai i atu hi an ceihpiak hna lio asi. Aa lim rih lo. Khua min a chia sual lai ti an phan caah velh an ton lio ah media sin chim an duh lo anmah tein daihter an i zuam nain a zual chin lengmang caah tuni ah media sin an chim lawlaw hi si.

Cozah rianṭuan nih hi tlukin mipi tuahto cu tuksapur lei asi. Cozah nih aa tlak ningin hma a lak colhnak hnga SHARE cio usih.

October 19 zingka ah Pu Chan Hre nih amah lei in thil sining a chim ve te lai.

Pu Chan Hre le khuami upa lungfim karlak ah buainak aa thok ning cu mah hi hmet law tling tein rel khawh asi.

A tang video zongah tling tein zoh khawh asi.

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -