15.1 C
Hakha
Monday, June 21, 2021
- Advertisement -

Ṭial Tharmi

Pu Chan Hre: Anmah nih an Ka Velh Hmasa caah Khuami nih an Velh Hna

Thantlang peng Surngen ohsuh bawi Pu Chan Hre nih, “anmah nih an ka velh hmasa caah, ohchohzihmu an velh tiin khuami nih an velh vemi hna asi,” tiah a chim.

Surngen khua upa minung 6 an velh hna i Pu Lian Mang, Pu Van Peng le Pu Cin Thawng sizung an phan ti cu theih cio asi cang. A thei rih lomi nih mah hi hmet law rel khawh si.

Pu Lian Mang, Hakha Sizung phan lakin ann velhmi

Sizung a phanmi pawl nih an chimnak ahcun “Pu Chan Hre nih khua mino pawl zuu a dangh hna i an kan velh …” an ti. Atang video ah zoh khawh asi.

Sinain, Pu Chan Hre nih, “khuami hi keimah nih ka sawmmi hna an si lo. Aa ka puhtu minung 6 nih hin an ka velh, cucu khuami nih an theih caah ohchohzihmu an velh tiin an inn cio in an ra i an velh vemi hna asi,” tiah a chim.

Pu Chan Hre nih a chimmi cu atang video ah zoh khawh asi. 1:14:00 ah mah kong cu a chim.

Velh a tongmi an chungkhat pawl nih The Chin Express sinah atanglei bantukin an chim ve.

“Pu Chan Hre nih a palh lo buin an velhmi bantukin ai chim. Zei ruang dah an ka velh ti a chim lo.

Pu Van Peng, Hakha Sizung phan lakin an velhmi

“Mah zaan ahhin Pu Cin Thawng inn ah Pu Lian Mang, Pu Cin Thawng, tbk. minung 6 meeting an tuah lio ah Pu Chan Hre nih an inn ciakhor ah a hung buai hna caah an velhmi si.

“Pu Chan Hre nih Pu Cin Thawng inn ah a rat hnawh hna i minsen ka thutpiak uh a ti hna. Na duh cun kan in thutpiak ko lai an ti i ball pen an kawl lio ah Pu Chan Hre nih an inn ciakhor ah a buai hnawh hna, innka hna a chuih, vaam hna a chuih. Mah ruang cun an velhmi si. Na inn ciakhor ah mi nih in buai hnawh sehlaw na velh ve ko lai si.

“Pu Chan Hre nih mi inn ciakhor ah buai hnawh hna hlah sehlaw an vel lai lo.

“Mah ni ahhin Pu Chan Hre nih Hnaring khua ah zuu a va lak i zuu ding pawl a dangh hna. Mah hnu ah Pu Cin Thawng inn ah amah lawngin a rat hnawh hmasa hna i a rak buai hna. Amah nih a rak ngiarmi hna, buainak chuahter dingin a rak timh cia dihmi si,” an ti.

Thaizing ah Pu Lian Mang te nih anmah lei in thil sining an chim ṭhan ve lai.

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -