Wednesday, December 1, 2021

Pu Ceu Hnin le a chungkhar nih Chin Miphun Ralkap (CNF) caah tangka ting 100 leng an hlut

US ram, Texas state, Austin khua um Pu Ceu Hnin le a chungkhar nih Chin Miphun Ralkap (CNF) caah $10,000 (Kawlram ting 100 le ting 40 hrawng) an hlut, tiah kan theih.

Tangka an hlutmi kong cu Chinland Club USA nih atanglei bangin a thanh.

Chinland Club USA: Pu Ceu Hnin le a Chungkhar Sinah Lawmhnak Bia Chim kan duh

US Ram Austin, Texas khuasa Pu Ceu Hnin le a chungkhar nih Emergency National Security Fund (ENSF) caah $10,000 cu Chinland Club of USA Chairman Salai Tial Hmung sinah a rak hluut.

Pu Ceu Hnin hi Laitlang a khua cu Thantlang peng, Khualhring tlang, Lungzarh khua mi asi. Atu bantuk in CNF/A caah chawva in a kan bawmhmi cungah, CC USA kan ii lawmtuk hrinhran.

Pathian tu nih a let tampi in thluachuah pe ko hna seh, Amen. Salute to Pu Ceu Hnin and his Family!

Pu Ceu Hnin te inn
- Advertisement -