Priyanka Chopra Cu Nick Jonas Nih $200,000 Man Hamnak Kutdonghrolh A Pek I India Ah Hamnak Puai An Tuah

Priyanka Chopra Cu Nick Jonas Nih $200,000 Man Hamnak Kutdonghrolh A Pek I India Ah Hamnak Puai An Tuah

Nick Jonas nih a nungak Priyanka Chopra cu $200,000 man hamnak kutdonghrolh a pek i hamnak puai tuah dingin a nulepa he Nilini ahkhan India ram ah an kal.

Bollywood actress Priyanka Chopra (kum 36) le American hlasak thiam Nick Jonas (kum 25) cu thla 2 hrawng an i duh hnu ah July thla dong lai ahkhan hamnak an tuah.

Nick Jonas nih Priyanka Chopra kum 36 a tlin chuahni ah $200,000 man kutdonghrolh in nupi caah a hal.

Nilini ahkhan Nick Jonas cu a nulepa Paul Jonas le Denise Jonas he tiin Priyanka Chopra te chungkhar he rawlei tti/hamnak puai tuah dingin Mumbai khua an phan.

“India nunphung ahhin tthitumnak puai tuah hlan ah kap 2 chungkhar i ton tak a si. Cu ruangah, Priyanka chungkhar nih Nick nulepa India ah an sawm hna hi a si. Priyanka Chopra nih cun a chungkhar man le a hlei in India nunphung a upat ruangah an puai zong hi India nunphung ning tein tuah a duh,” tiah E!Online nih a ttial.

“Nick le Priyanka nih cun tthitumpuai hi tuah colh an duh,” tiah anmah he neihniam a simi pakhat nih a chim.

India ram ahcun hamnak a tuah cangmi nungak le tlangval hna cu pre-wedding puai, India nunphung in hamnak puai tuah, kutdonghrolh i peknak le kap 2 chungkhar in laksawng i pek nak tete a um.

Mumbai airport ah Nick a pa nih Tiffany & Co. bag nganpi a put lio an hmuh.

Priyanka Chopra hi Miss World 2000 winner a rak si i Bollywood vawlei ah a lar bik le a hlawhtling ngaimi a si. Hlasak thiam zong a si fawn.

Be the first to comment

Leave a Reply

Your email address will not be published.


*