Prime Minister U Mahn Win Khaing Than biachimmi a ṭha tuk hringhran

- Advertisement -

Myanmar Rampumpi Vuancichoh (Prime Minister) Pu Mahn Win Khaing Than nih bia a chimmi cu a ṭha tuk hringhran.

Prime Minister U Mahn Win Khaing Than: Buainak tel lo tein ralkap uknak doh lio ah a nunnak liammi miralṭha hna le tantakmi chungkhar hna, hliam a tongmi hna, tlaih le hrem a tongmi hna, kan tei hrimhrim a hau timi lungput in a lamkip in ralkap uknak a dotu mino hna, cozah rianṭuan le rammi nan dihlak hika hmun in upatnak kaan pek hna.

Kan ram hi kum 1962 hlan ahcun a rum tuk i Asia ram pawl nih an i zohchunmi ram pakhat a rak si. 1962 ah ralkap nih mipi cozah uknak a chuh i a phunphun in kum hrabu tampi chung a uk ruangah vawlei cung ram sifak bik ah aa chuah i democracy zong kan ngah kho lo.

Thisa khat rammi unau hna…

Atu lio cu ralkap le an minung pawl nih ni fatin upadi zul loin ralhrang tuahsernak an tuah peng caah mipi nan inn chung hmanh ah him ti loin thar le phang in um lio caan asi. Hi tharphannak chungin nan luat khawhnak hnga, NUG cozah nih mipi himnak le runvennak caah miphun hriamtlai phu pawl le phu kip he khua kan khan cuahmah liopi asi.

Mah pinah, ralkap uknak a hram bongh ding siseh, ralkap ruangah a sungzatla mi mipi hna caah siseh, buainak tel lo tein dohnak a tuah ruangah harnak a tongmi cozah rianṭuan pawl caah siseh, ralkap nih tlangcung miphun khuate pawl vanlawng in a kah caah a zaammi tlangcung mipi hna bawmhnak caah siseh, ramchung ramleng bu pawl le ramdang cozah zong kan pehtlaih cuahmah hna liopi asi.

Ralkap bawmtu a simi rian pawl le tangka luhnak pawl zorter dingin le kanmah nih tlaih dingin mipi he kutsih in kan ṭuanṭi lai. Mah pinah, upadi zul loin mipi thattu, tlaitu, hremtu ralkap le an minung pawl cu zaangfahnak um loin an tuhmi theipar zunter dingin ramdang bu pawl he rian kan ṭuan cuahmah lio asi.

Cozah zung kip rianṭuan pawl nih zungkai loin CDM nan tuah cio caah ralkap cozah harnak a tong tuk cang. CDM a tuahmi cozah rianṭuan pawl nih teinak kan hmuh tiang pehtlai tein kan tuahpiak rih ko sawh uh tiah kaan nawl hna.

Ralkap uknak kan hrawh khawh tik ahcun, uknak thar kan ser lai i CDM a tuahmi cozah rianṭuan vialte hi rian kan in pek dih hna lai. Mipi nunnak le chawva veng dingin bia aa kammi zul loin mipi a thattu, hremtu le fahnak petu palek le ralkap pawl zong mipi a dawmi minung in ka thlen dih hna lai.

Ralkap uknak hrawh dingin mino le rammi vialte a phunphun in nan i zuam cio bangin, kanmah NUG cozah zong nih kan ram a kan bawm kho ding ram le bu pawl a phunphun in kan pehtlaih hna lai i kan ṭuan thluahmah ve lai tiah bia kaan kamh hna. Ralkap uknak kan hrawh khawh lawngah, a thisen le nunnak a pemi miralṭha hna le hrem a tongmi mipi hna dawtnak kan cham khawh hna lai.

Atu caan hi, ralkap uknak a hram bonghnak caah caanṭha bik asi, cucaah kanmah NUG cozah zong mipi he lungrual tein kutsih in rian kan ṭuanṭi lai. Mipi zong nih thachia lo tein, kan tei hrimhrim lai timi lungput in ralṭha tein do peng rih ko u, tiah kaan nawl hna.

Teinak kan hmuh tik zongah, NUG cozah nih rammi dihlak hi nan dawtnak theipar kan in zunter hna lai i rammi miphun vialte nih nan duhmi federal democracy ram dirh dingin kan i zuam lai.

Cucaah, Myanmar kum thar ah dirhmi Rammi Lungrualnak Cozah thar hi lungkhat tein cohlang ulaw, cozah thar he hmun khat ah Pau Dothlennak hi teinak hmuh tiang lungrual tein pehzulh peng rih ko u. Rammi dihlak nih kan duhmi teinak cu kan kut chungah a um cang.

Dothlennak kan hlawhtling hrim lai

Ralkap uknak kan hrawh khawhnak hnga, kan Prime Minister pa chimmi hi SHARE cio usih

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...