Kawl Ralkap nih hramhram in uknak chuhmi Myanmar President U Win Myint, kum 69 cu nizaan ahkhan Naypyitaw biaceihzung ah tatte an khanter i February 1 ah uknak an chuhnak kong a phuan.

Kawl Ralkap nih an tlaih hnu in baiceihzung ah an chuahpi lengmang nain amah biachimnak nawl an pe bal lo i taza an cuainak kong lawng an chimh lengmang.

Nizaan kha avoi 1nk bik amah lei thil sining biachimnak (tatte khannak) nawl an pek asi.

“February 1 zingka ah ralkap bawi 2 ka khaan ah an ra. President rian i phuak. Ka ngandamlo tiin i phuak an ka ti ati,” tiah a sihni Khin Maung Zaw nih media sinah a chim.

“President nih a duh lo. Ka ngandam ko cuta ati hna. Ralkap bawi 2 nih cun, nai phuah lo ahcun harnak fakpi na tong lai an ti. President nih nan chimmi zulhnak cun thih hmanh ka duh deuh ati hna,” tiah a sihni nih a chimchap.

Aung San Suu Kyi zong tu thla dongh lai ah, avoi 1nk bik biaceihzung ah amah lei thil sining chimnak caan (tatte khannak) a ngei ve lai.