18.5 C
Hakha
Monday, July 26, 2021
- Advertisement -

Ṭial Tharmi

President Trump: US Bawlung Chuih Puai Ka Zoh Lai Lo

US ram ah bawlung chuih zuamnak nganbik a simi MLS (Major League Soccer) cu hmai thla in an thok cang lai.

Puai thok lai i “ram hla sak lio ah a dir duh lomi pawl cu kan in hneek ti hna lai lo,” tiin U.S. Bawlung Upa (Soccer Board of Directors) nih nizaan ah bia an khiah caah President Donald Trump a thinhung i bawlung puai ka zoh ti lai lo, tiah a chim.

Palek pakhat nih minak pa George Floyd, kum 46 a thah caah America rampumpi ah ‘Minak Nunnak a Biapi (Black Lives Matter)” tiin sandah an piah. Bawlung chuihthiam tampi zong nih Black Lives Matter an lungtlinnak kong an chim i bawlung puai thok lai ram hla sak tikah kan dir lai lo (sandah kan piah lai) an ti.

President Trump nih, bawlung upa nih ram hla sak lio ah bawlung chuihtu vialte nan dirter dih hrimhrim hna lo ahcun nan puai ka zoh ti lai lo ati, tiah Goal.com nih a thanh.

Florida state i Republican MP/congressman Matt Gaetz zong nih, “US ram hla a dirpiak duh lomi bawlung puai tuahnak cun tuah lo hmanh ka duh deuh,” tiah a chim ve.

“Kan ram thantar an thlir lio ah nan dir duh lo ahcun kan ram thantar tangah kan ram team aiawh in nan chuih awk si lo,” tiah a peh.

“Ram hla sak lio ah bawlung chuihtu vialte nan dir dih hrimhrim lai timi kan policy 604-1 cu nizaan ah bawlung upa nih vote kan thlak i hrawh dingin kan lungtling,” tiah Bawlung Upa nih cathanh an chuah.

2016 ah bawlung chuihthiam Megan Rapinoe cu, Black Lives Matter sandahpiahtu pawl ka ṭanh hna ti langhternak caah ram hla sak lio ah a rak dir duh lo. Mah ruangah ‘ram hla sak lio ah dir hrimhrim ding’ timi policy cu an rak sermi asi.

Bawlung Upa nih, “mah policy kan rak tuahmi kha kan palh. Black Lives Matter nih aa tinhmi kan vaivuanhter.”

“Minak le miphun hme dang hna nih an ton taktakmi kong kan bawlung chuihthiam pawl nih an chimmi kha ṭha tein kan rak ngaihpiak hna lo. Kan bawlung chuihthiam dihlak — ahlei in bawlung chuihthiam minak pawl, kan rianṭuanṭi minak pawl le miphun nautatnak a dotu pawl nih nan kan ngaihthiam nak lai kan in nawl hna,” tiah an thanh.

“Ram hla zong kan chuah/sa lai lo, direct in puai kan thok colh lai,” tiah MLS lutlai Don Garber nih a chim.

“Certual ah puai zohtu zong hohmanh an um lai lo, cucaah ram hla sak zong cu aa tlak lo tiah kan ruah.”

“Zei khom si ah, bawlung chuihtu nih ram hla sak lio ah langhter a duhmi um ahcun langhternak nawl a ngeih awk hrimhrim asi.”

“Ram hla sak lio ahcun dir hna seh ti cu ka duh henta, nain an dir duh lo zongah an nuhrin covo asi i tha kan pek ko hna,” tiah a chimchap.

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -