17.2 C
Hakha
Monday, July 26, 2021
- Advertisement -

Ṭial Tharmi

President Trump: Palek nih ‘Hngawng Dih’ an Hman Awk Si Lo

U.S. President Donald Trump nih, “palek nih hngawng dih an hmanmi hi ngol hna seh law a ṭha tuk hnga,” tiah Fox News interview ah a chim. Nain, palek kha harnak a tong ding si ahcun hngawng dih a hman zongah theihthiam khawh asi hnga, ati.

“Hngawng dih cu ka duh lo — (nain) a caan ahcun, palek kha amah lawng si i misual he an i ṭhuat ahcun ti awk a ṭha ve lo. A tlangpi in chim ahcun, palek nih hngawng dih an hmanmi hi an ngol awk asi,” tiah President nih a chim.

May 25 ahkhan Minneapolis khua palek pakhat nih African American pa George Floyd (kum 46) a tlaih lio ah minutes 9 chung a khuk in a hngawng nenh caah a thaw chuah kho lo i a thi. Mah ruangah, US rampumpi ah “Minak Nunnak a Biapi (Black Lives Matter)” tiin sandah an piah.

Hlutdaw Niam i Democratic MP/representatives pawl nih “palek nih hngawng dih an hmanmi khap” dingin upadi hran an chuahpi. Republican cheukhat zong an lungtling.

Fox News interview ahcun, President Trump nih hngawng dih khap cu “a ṭha tuk ko”. Nain “palek kha misual he aa ṭhuat i misual kha a hngawng dih ahcun theihthiam khawh ding asi” ati.

“Palek pakhat le misual an i ṭhuat i palek nih ka thi sual lai ti phang in vansan ah a hngawng dih ahcun theihthiam awk asi ko na ti duhnak maw?” tiah Fox News nih a hal.

“Si, mah bantuk hi a um pah lengmang. I ralrin ngai hau,” tiah President Trump nih a leh.

U.S. Department of Justice (DOJ) lutlai Attorney General William Barr zong Nikhatni ahkhan Fox News nih interview a tuah i “hngawng dih khap cu ka lungtling ko, nain palek kha misual nih a thah ding si ahcun theihthiam ding asi,” tiah a rak chim ve.

Hlutdaw Sang (Senate) i Republican MP/senator Tim Scott zong nih, “palek nih hngawng dih cu an hman bak lo ding asi tiah Democrats he kan lungtling,” tiah CNN interview ah a chim ve. — Reuters

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -