15.5 C
Hakha
Wednesday, June 23, 2021
- Advertisement -

Ṭial Tharmi

President Trump nih “Thimnak a Him Tuk” Titu DHS/CISA Bawi a Phuah

“Thimnak cu a him tuk ko” tiin cathanh a chuahtu DHS/CISA bawi Pu Chris Krebs cu President Trump nih a phuah, tiah Fox News nih a thanh.

Pu Krebs cu DHS zung ṭengnge Internet le Thilri Himternak Zung (CISA) bawi asi. CISA cu 2020 Thimnak hi hacker nih hack khawh lo dingin vengtu zung asi. “2020 Thimnak cu American tuanbia ah a him bikmi thimnak asi,” tiin cathanh a chuah.

President Trump nih a chimmi “mee diklo tam tuk um ruangah Biden nih teinak a co” timi he aa ralkah tuk caah a phuah colh hi si.

“2020 Thimnak a him tuk tiin Pu Chris Krebs nih cathanh a chuahmi cu a diklo taktak, mee diklo tamtuk a um, mithi hna nih mee an thlak, mee rel zohtu pawl zong mee relnak khaan ah an luhter hna lo, mee peknak seh zong caan tlawmpal chung a rawk i Trump mee pawl Biden mee ah a thlen hna, thimnak dih hnu ah mee an pek, tamtuk um rih.

“Mah ruang cun, Pu Chris Krebs cu Internet le Thilri Himternak Zung (CISA) bawi sinak in atu hrimhrim ah ka phuah,” tiah President Trump nih Twitter ah a ṭial.

President Trump le a ṭanhtu pawl nih ‘2020 thimnak cu a him lo tuk …’ an timi cu CISA bawi Pu Chris Krebs nih a cohlan lo caah nai hrawng cu Trump a thin mei bang lin.

CISA nih “Biachokvai khamnak” website an ser i Trump team nih ‘mee diklo a tam tuk’ an timi pawl cu ‘a dik lomi si’ tiin an doh peng.

CISA bawi nih, “mee na thlakmi hi ramdang hacker nih an thleng kho hrimhrim lo,” ati – acung video.

CISA bawi nih, “Trump nih aa ka phuahte lai ti cu kaa ruahcia mi si ko,” tiah Reuters media ah a chim.

2020 Thimnak ah a sunghmi cu Trump nih a cohlang duh lo i President-thimmi Joe Biden zong a lawmhpi duh lo.

Trump team nih Pennsylvania le state dang tlawmpal ah ‘Republicans pawl cu mee zohfelnak nawl an pe hna lo’ tiin biaceihzung ah tazacuainak an tuah i thimnak result thlen (Biden sunghter) an i zuam cuahmah.

CISA le thimnak vengtu zung pawl nih cathanh an chuahmi

November 12 ah, CISA le thimnak vengtu zung pawl nih “mee thlaknak seh nih mee a delete/hlonh, mee a thlen, mee ningcang loin a tuah timi tehte pakhat hmanh a um lo,” tiin cathanh an chuah.

“Mee diklo a tamtuk, thimnak a himlo tiah zeihmanh tehte um lo piin an chimmi cu kan theih ko, nain thimnak a him tuk i ningcang tein an tuah ko tiah theihter ṭhan kan in duh hna,” an ti.

Pasal maw Miṭha lo?

2020 US Thimnak him/lo kong ahhin thimnak vengtu DHS/CISA zung bawi maw na zumh deuh asiloah nawlngeihnak chiah a siang lomi Trump dah?

Trump hi mi dingfel le zohchun awktlak pasal asi tiah na ruat maw? Asiloah, tutan a lungput le thil tuah hi cu a dik deuh lo, miṭha nih cun hitin tuah awk si lo tiin dah na ruah?

Na ruahning comment ve …

- Advertisement -

Ṭial Tharmi

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...
- Advertisement -

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

UN Thawngthanh: Malaysia Refugee pawl COVID-19 raikhamsi chunh dingin min pek khawh asi cang

Malaysia um ralzaam le ralzaam-soktu pawl cu COVID-19 raikhamsi i chun dingin min cazin pek khawh asi cang. Raikhamsi chunh a duhmi paoh cu Malaysia...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -