17.2 C
Hakha
Monday, July 26, 2021
- Advertisement -

Ṭial Tharmi

President Trump nih Mask aa Hruk Taktak Ve Cang

Mipi nih i zohchun dingin nangmah hrimhrim nih mask naa hruk awk asi an ti lengmang hnu le US ram pumpi ah vantawngin zawtnak a karh thluahmah hnu in President Donald Trump nih mask aa hruk ve cang.

Nizaan, Zarhteni ah mipi hmai ah avoi 1nak bik mask aa hruk hi si.

Trump cu hliam tong ralkap pension pawl zoh hna dingin Washington um Walter Reed ralkap sizung innleng ah a kal lio ah mask a nakmi aa hruk. A mask ahcun president ṭazeih a cuang.

US cozah ngandamnak zung nih “zawtnak nan i ku nak hnga lo mask i hruk ulaw ṭha …” tiin liamcia thla ah mipi ruahnak cheuhnak thawng a rak thanh lio ah thawngla pawl nih an hal i Trump nih “kei cu kaa hruk lai lo …” tiin a rak leh hna i mipi hmuh han ah aa hruk bal tak lo.

Trump mask ahcun US President tazeih a cuang

Atu zong cu, punghman in mask i hruk a duh rih hlei lo. Ralkap sizung kal dingin White House in aa thawh lio ah “mask hruk hi ka doh bal lo, nain a caan le hmun zoh thiam a herh tiin ka zumh. Sizung ah na kal i operation cabuai in a chuak ka mi ralkap le minung tampi na chawnh hna ahcun i hruk bak ding si ka ti,” tiah thawngla pawl sinah a chim.

Trump nih “mask kaa hruk ahcun santlai lo ka lo lai, mask kaa hruk lio media nih hman an ka thlak ding hrim ka duh lo …” tiin amah ruahnak petu pawl sinah a rak chim lengmang.

Mipi hmuh han ah mask aa hruk bal ve lomi UK Prime Minister Boris Johnson zong nizaan tihni Ningani ah MP aa rak cuhnak Uxbridge khua um company pawl a leng hna i avoi 1nak bik mask aa hruk ve.

A thaizing, nizaan bakah Trump nih mask aa hruk ve i Trump nih UK PM nawl aa cawn ti awk in aa tongthiam ngai. Annih 2 hi an lungput aa khat bakmi le mipi theih in aa fak lengmangmi an si. Mah ruangah mi tampi nih UK PM cu “UK Trump” ti zongin capo in an auh.

Trump acozah nih COVID-19 zawtnak a kham khawh lo caah US mipi ting 31 leng an zaw cang i ting 1 le thong 34 leng an thi cang.

US cu hmasa ah vawleipi thinphang in a chiatu China, Italy le Germany vialte lonh in vawlei cungah mizaw le mithi tambiknak ram asi cang. Mah bu cun Trump acozah nih lockdown tuah le mask hruk a duh lo caah mi tampi nih an mawhchiat tuk.

May thla ah Pu Biden nih mipi hmai ah mask aa hruk i Trump nih online ah a rak nehsawh len.

Republican party a ṭanh taktakmi conservative media Fox News telh in US media le university pawl nih poll an tuahmi vialte ah ‘mask hruk tha a pe i amah zong aa hruk lengmangmi Pu Biden’ nih Trump a tei thluahmah cang. — AFP, BBC English

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -