15.6 C
Hakha
Sunday, June 20, 2021
- Advertisement -

Ṭial Tharmi

President Trump nih 2021 ah Refugee 15,000 Lawng Kan Lak Lai a Ti

US President Donald Trump acozah nih 2021 Budget Kum chungah refugee 15,000 lawng kan lak lai, tiin US Hluttaw ah thawng a thanh.

2021 Budget Kum cu 2020 October 1 in 2021 September 30 tiang asi lai. Kumpi kum 1 chungah mah zat lawng lak ding cu asi kho lo tiin UNHCR, IRC le ralzaam bawmtu bu kip nih an lungtlin lonak an langhter.

President Trump hi refugee a rem lo ngaimi asi. 2020 Budget Kum chung zongah refugee 18,000 lawng lak dingin minsen a rak thut. US tuanbia ah a tlawmbik si. Atu a zual chinchin.

US ram dirhka in nihin tiangah refugee lak a duh lo bikmi le tlawmbik a latu president asi.

President Trump nih kum fatin refugee lak ding zat a ṭhumh peng. President Obama nih a chuah lai kum 2017 ah refugee 110,000 lak dingin minsen a thut. Trump a kai cangka in;

  • 2018 ah refugee 45,000 lawng lak dingin a ṭhumh colh
  • 2019 ah 30,000 ah a ṭhumh
  • 2020 ah 18,000
  • atu 2021 ah 15,000

2020 chungah 18,000 lak ding a rak timi hmanh cu COVID-19 ruangah thla tlawmpal chung refugee lak a phih i 11,000 hrawng lawng US an phan kho, tiah US Ramdang Vuanci Zung (State Department) cazin ah kan hmuh.

UNHCR nih a langhter ningah, ni kum dongh tiang ahkhan vawlei cungah refugee 80 million an um.

Malaysia ah ram thumnak kal a bawh Chinmi 50,000 hrawng kan um. Mah chungah UNHCR card/catlap ngei 22,000 fai lawng kan si.

15,000 cu Middle East, East Asia, Africa, tbk., in an ṭhen ṭhan lai i Malaysia in lak ding cu 4,000 hmanh an tling te lai lo. Mah hmanh cu a harsa bikmi usa pek asi te lai i Rohingya deuh an kal te lai, Chinmi cu 100 hrawng lawng US kan phan kho te lai tinak asi.

- Advertisement -

Ṭial Tharmi

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...
- Advertisement -

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -