16.4 C
Hakha
Sunday, July 25, 2021
- Advertisement -

Ṭial Tharmi

President Trump: Mask ka hruk ahcun Lone Ranger ka lo i ka uar ngai

US President Donald Trump nih “mask ka hruk ahcun Lone Ranger movie i mintapa ka lo i ka uar ngai,” tiah a chim.

Nizaan ah Fox Business nih interview a tuah i atu bantukin a chim hi si.

“Mask hruk cu tha ka pek tuk” tiah a chim. “Nangta na hruk lai maw?” tiah interview tuahtu nih a hal.

“Mibu teet lakah ka um ahcun ka hruk tuk lai henta. Tuan zongah mask ka hruk lio mipi nih an ka hmuh bal ko,” tiah a leh.

“Mask hruk cu ka caah a poinak zeihmanh um lo. Ka hruk cun Lone Ranger mintapa ka lo i ka uar ngai lehlam,” ati.

“Nain, US rampumpi ah nan duh lo zongah leng nan chuah tikah mask nan i hruk hrimhrim lai ti cu ka lungtling lo. US ram hmun tampi ahcun khat le khat aa hlat pi in an um ko hna.”

“Mask hruk lo a siarem mi cu hruk loin an um awk si ko,” ati.

“Coronavirus zawtnak hi a tlau te ko lai ti na zum rih maw?” tiah interview tuahtu nih a hal.

“Zumh e, ka zumh ko. A tlau te ko lai,” ati.

Nizaan ni 1 chung te ah US ram ah coronavirus mizaw thar 52,000 an hmuh hna. Atutiang zawtnak ngei hmuhmi dihlak ting 27 (2.7 mil) an si cang. Mah chungah ting 1 le thong 28 (128k) an thi cang.

Tuni, July 3 hi Trump cu Mount Rushmore ah vote kawl biachimnak a ngei lai. Biachimnak hmun ah a ra ding pawl cu mask hruk kan in hne hna lo, a duh lomi hruk lo khawh asi, tiah Trump Vote Kawlnak Phu nih a thanh.

Hmasa ah Trump nih Mask Hruk Kong Zeitin a Rak Chim?

April thla ah US Zawtnak Khamnak Zung (CDC) nih “zawtnak nan i ku nak hnga lo mipi lak nan kal tikah mask i hruk ulaw ṭha … ” tiin thawng a thanh.

Trump nih “kaa hruk lai lo” tiin thawngla pawl sinah a rak chim.

“President pawl, prime minister pawl, hrinhrim uktu pawl, siangpahrang le siangpahrangnu pawl ka ton hna tikah mask i hruk cu ka duh lo,” a rak ti.

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -