15.1 C
Hakha
Monday, June 21, 2021
- Advertisement -

Ṭial Tharmi

President Trump: John Bolton cu Mihrut Bik Asi

US President Donald Trump nin amah ruahnak petu hlun Pu John Bolton cu “cozah rian ka ṭuan ṭimi vialte lakah mihrut bik ah aa tel ve,” tiin a phomh.

“Mi unthu, mi lungping le holh zong hmang lomi asi.

“Ruah lo piin ‘Ah, ral tu hna usih’ ti dah lo cu Ram Himnak caah zeihmanh a tuahmi um lo. Cun, Cozah Biathli tampi amah nawl in a phuan fawn. Mihrut taktak!” ati.

Pu John Bolton nih Cakei Kaa aa Purh Sual

Pu John Bolton nih, “Joe Biden nih a tei taktak ko tiin Republican hruaitu pawl nih an mipi an fianh hna awk si …” tiin ABC media sinah a chim.

Mah ruangah President Trump nih lak awk tlak lo, puanchia tlek le cangcel hmanh a tluk lomi bantukin a phomh hi si.

Pu John Bolton hi Laimi si sehlaw “cakei kaa ka purh sual” a ti ko men lai.

US le vawlei cung media vialte nih “Joe Biden nih a tei” tiin an thanh dih cang. Republican mei aa tlaih pengmi Fox News hmanh nih “Biden nih a tei” tiin a thanh cang.

Sinain, President Trump nih, “saṭaih in phungninglo mee tamtuk a rat caah si, phungninglo mee hnon dingin biaceihzung ah tazacuainak kan tuah lai i Supreme Court tiang kan phan lai, kan tei lai …” ati i a sunghmi a cohlang duh lo.

Mah kong he pehtlai in ABC media nih Trump ruahnak petu hlun Pu Johnn Bolton interview an tuah i cakei kaa a purh sual hi si.

“Trump a sung taktak ko, phungninglo mee a tamtuk a timi hi tehte zeihmanh um lo tiin Republican party nih anmah mee a petu mipi hi an fianh hna awk si.

“Republican party (Trump) mee a petu pawl hi Democrats nih an ruah hna bantukin an hrut taktak lopi.

“Biden nih mee tlawmte lawngin a teinak state pawl ah Republican nih mee diklo a tamtuk tiin tazacuainak an tuahmi pawl zong zeihmanh tehte um lo caah pakhat hnu pakhat in an sung thluahmah ko hita.

“Mee diklo a tamtuk an timi zeihmanh tehte um lo ti cu ni khat hnu ni khat a fiang chin lengmang ko. Nain, Republican ṭanhtu mipi nih Donald Trump nih bia diklo a chimmi lawng an theih peng ahcun, an i zumh zongah an mawh lo,” ati.

Mah interview cu President Trump nih a rak zoh ve i Facebook ah cakei hrum bakin a hrum i lak awk tlak lo bakin a phomh hi si.

Chin State Cozah lutlai Salai Lian Luai nih Pu Zo Bawi khi “cozah rian ka ṭuan ṭimi vialte lakah mihrut bik asi ….” ti sehlaw Laimi nih zeitin kan ruah hnga? A ti lai lo ding cu hngalh si ko nain, tahchunnak bia.

Nang zeitin na ruah? Trump nih Bolton a ti daan hi hruaitu nih cun mah bantuk bia hman awk si lo tiin maw na ruah asiloah hi nak fak deuh le bia chia deuh in a phomh awk si tiin dah na ruah? Comment ve …

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -