23.7 C
Hakha
Thursday, June 24, 2021
- Advertisement -

Ṭial Tharmi

President Trump cu Thaizing ah Sizung in a Chuak Kho Men

COVID-19 zawtnak aa kumi US President Donald Trump cu thaizing (Nikhatni) ah sizung in a chuak kho men, tiah a zohkhenhtu sibawi pawl nih tuni ah media sinah thawng an thanh.

“President Trump cu dam lei a panh thluahmah ko,” tiah Dr. Sean Doonley, President Trump an thlopnak US ralkap sizung Walter Reed Medical Center sibawi nih a chim.

“Ningani zingka in atutiang a taklin ti lo. A vital signs (taklinh, thi kal, thaw chuah, thi ṭumkai, tbk.) pawl zong punghman an si peng ko.

“Thaw chuah zong aa harh lo. Ka tha tlung seh tiin sizung ah aa chawk peng i ṭhut/thawh le kal zong pakhat hmanh aa harh lo.

“A lung, thin le cuap pawl zong punghman tein an um ko,” tiah a chim.

Vawlei cung university vialte lakah ngandamnak lei ah a ṭha bik simi Johns Hopkins University i scientist Dr. Brian Garibaldi zong nih President Trump thlop cu a bawmh ve hna.

Dr. Brian Garibaldi nih, “President cu zahan zaanlei ah avoi 2nak Remdesivir sii kan chunh i aa ziak ngai. A ngandamnak dang zeital a hnorsuang (side effect um) hnga maw tiin kan zohfel nain a zeihmanh ti lo,” tiah a chim.

“A thin le kal zong punghman tein rian an ṭuan peng ko. Remdesivir sii cu ni 5 chung kan hman lai. [President Trump a sibawi] Dr. Sean Conley nih a chim cang bangin, nizaan kha chikhat te a pum chungum oxygen a zor pah caah Dexamethasone sii in kan thlop. Lawlawse cu mah sii zong hi kan hman rih ko lai.

“Tuni cu a dam ngai. A tho i aa chawk len ko. Tuni cu rawl zong a ei lai i ti zong a ding lai. Cun a tha ṭhawn deuhnak hnga asi khawh chungin ihkhun cung um loin aa chawk lai.

“Tuni bantukin a dam i a ṭhawn peng ko ahcun thaizing hmanh ah sizung in chuahter i [president inn] White House ah thlop khawh asi cang lai ti kan i ruahchan,” ati.

A zohkhenhtu sibawi pawl nih media sin thawngthanhnak an tuahmi cu atang video ah tling tein zoh khawh asi — A sau tuk caah a biapi bik ka tinak zawn lawng ka lak.

- Advertisement -

Ṭial Tharmi

Malaysia boss pawl nih ‘lockdown donghter cang’ tiin cozah an hal

Kuala Lumpur: Malaysia Rianngeitu Phu (Malaysian Employers Federation - MEF) nih, "Full lockdown (FMCO) hi a rannak in donghter cang," tiin nizaan ah cozah...

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...
- Advertisement -

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -