15.6 C
Hakha
Sunday, June 20, 2021
- Advertisement -

Ṭial Tharmi

President Trump cu a Party Republican Hruaitu Cheukhat nih Vote an Tim Lo

Donald Trump cu 2016 zongah Republican party hruaitu cheukhat nih an rak doh ngai. Tutan lebang cu an doh ning a zual.

Trump nih Covid-19 zawtnak rianrang tein le ṭha tein a tolrel lo ruangah le George Floyd thah ton kongah sandah piahtu pawl a tlerh hna ning ruangah Republican party hruaitu cheukhat nih Trump an lungtlinlonak a zual.

Republican hruaitu cheukhat cu Trump vote lo an i timh pinah, cheukhat cu Joe Biden vote aa timmi zong an um.

President hlun George W. Bush nih, “a ra laimi November thimnak ah Trump ka vote lai lo,” tiah a chim.

Florida Governor hlun Jeb Bush zong nih, “Trump ka vote lai/lo kaa fiang lo,” tiah a chim.

2012 ah Republican party in President aa rak cuhmi Senator Mitt Romney zong nih, “Trump ka vote lai lo,” ati.

Senator John McCain (tleicia) a nupi Cindy McCain zong nih, “Joe Biden ka vote lai,” tiah a chim.

2016 Thimnak zongah acunglei langhter Republican hruaitu hohmanh nih Trump an vote lo. Nain, tutan cu thil sining aa dang. An party in president a ṭuan liomi si pinah Trump duhmi kha Hlutdaw Sang ah upadi a sertu an si, an karlak rianṭuan ṭinak tampi a hnorsuan khawh.

Republican party hruaitu hlun le Hlutdaw Hruaitu hlun Paul Ryan le John Boehner nih cun Trump vote pek/lo kong an chim duh lo.

Trump a uar lomi Reepublican party members pawl zong nih an party si lomi Joe Biden tu kan vote hnga maw ti an ruat cang.

US Ralkap hruaitu rian in aa din cangmi Republican party members pawl zong hlan ahcun aho kan ṭanh ti chim an rak hmang bal lo nain tutan cu Trump rianṭuan ning an mitkem tuk cang i an ralpa Joe Biden tu kan vote hnga maw ti an ruat cang.

New York Times ah tling tein rel khawh si.

- Advertisement -

Ṭial Tharmi

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...
- Advertisement -

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -