18.5 C
Hakha
Monday, July 26, 2021
- Advertisement -

Ṭial Tharmi

President-thimmi Biden: Trump nih a Sungh a Cohlan Lomi Hi “Ningzak Asi”

US President Donald Trump nih a sungh a cohlan lomi hi “ningzak asi” tiah US President-thimmi Joe Biden nih a chim.

“A sungh a cohlan lomi hi ningzak a si. Amah min chiatnak lehlam asi. Nain, hnu ahcun Republicans pawl nih an sunghmi an cohlan te ko lai ti ka zumh,” tiah President-thimmi Biden nih Delaware ah thawngla pawl sinah a chim.

“Trump acozah nih nawlngeihnak pek a kan timh lomi hi zeihmanh a kan dawn lo, kan lak khawh ṭhiam ko lai.

“A piat tein chim ko ahcun, aa chan lenmi hi zeihmanh santlai lo. A duh/lo zongah kan chuah ko lai,” ati.

Trump Acozah nih Nawlngeihnak Pek Rian a Thok Duh Lo

President-thimmi sinah nawlngeihnak pek rian a thoktu zung cu General Services Administration (GSA) asi. GSA lutlai cu Trump nih a khenhmi Republican party member nu Emily W. Murphy asi.

GSA lutlai Emily W. Murphy nih cun president-thimmi Joe Biden sinah nawlngeihnak pek rian a thok duh lo. Upadi ning ahcun, GSA zung nih “Joe Biden hi president-thimmi asi” tiin cathanh chuah in president ṭuan dingin i timhtuahnak caah $6.3 million pek ding asi.

Nain, Trump nih a chak tlaihmi GSA lutlai nu Emily W. Murphy nih “Biden cu president-thimmi asi” tiin cathanh a chuah duh lo i president ṭuan dingin i timhtuahnak tangka $6.3 million zong a pe duh lo.

Cun, Biden team cu rampi cozah zung (federal agency) pawl he zong a pehtlaih ter duh hna lo pinah, ni fatin president sungṭhoh thawngthanhnak zongah a tel ter duh hna lo.

US ahcun January 20 (Zarhpini asi cun January 21) ah president-thimmi sinah nawlngeihnak pek peng asi. Nain, nawlngeihnak pek an si ni bakin rianṭuan an thiam colhnak hnga, thim an si cangka in rampi cozah zung pawl he pehtlaihter le president sungṭhoh thawngthanhnak ah tel ter colh an si.

Biden nih, “ni fatin sungṭhoh nih president thawngthanhnak ah kan i tel khawh ahcun a ṭhahnem tuk hnga, nain a poi tuk si hlei lo,” ati.

“President ṭuan dingin i timhtuahnak tangka zong a kan pek duh lo caah kanmah chawva le thazaang tein kan i tim ko. Cucaah, Trump nih a sungh a cohlan duh lomi le nawlngeihnak pek a thok duh lomi hi kan caah dawntu asi lo,” a ti.

Biden nih a tei ti cu a fiang taktak rih lo hme cu?

Mah bia hi Trump ṭanhtu pawl nih an chimmi asi, nain a sungh a cohlang duh lomi Trump bia lila an i cawnmi si. Anmah Republican party member tampi hmanh nih Trump an bawm duh ti lo.

“Biden nih a tei timi cu official asi rih lopi” an ti. A hmaan ko, official asi rih lo. Teinak caah a herhmi Thimtu Upa (Electoral College) mee 270 leng a ngah cang caah media nih “a tei cang” tiin an thanhmi lawng asi rih.

Nain, US ahcun official asi hlan in media nih an thanhmi hi cohlan pengmi asi ko.

2016 zongah Trump nih Hillary Clinton a tei tiin media nih thim zaan deilei ah an thanh i mah cangka in Hillary Clinton nih Trump cu phone a chawnh i “Congratulation (kaan lawmhpi) …” ati colh ko.

A thaizing November 9 ah President Obama nih TV bakin Trump lawmhpinak bia a chim colh ve i mah ni bak cun GSA nih Trump sinah nawlngeihnak pek rian a thok colh ko. Mah lio hin state tampi ah mee an rel dih naisai rih lo i official asi rih lo, atu bantuk hi si ko.

Thim hlan cun Democratic party in Hillary Clinton le President Obama nih hehchet tiah Trump an phomh ko. Trump zong nih a phomh chih len ve hna, nain media nih teitu an thanh hnu cun ṭha tein Trump (Republican party) an lawmhpi i nawlngeihnak pek an thok colh.

Tutan hi cu Trump bon lo deuh khi si.

Trump nih Michigan state mee rel kong tazacuaimi a sung – hmet law rel khawh asi.

Vawlei cung mirum bik 2nak Pu Bill Gates nih US President-thimmi Joe Biden a lawmhpi

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -