16.3 C
Hakha
Thursday, June 17, 2021
- Advertisement -

Ṭial Tharmi

President, Suu Kyi le Henry Van Thio nih Naypyitaw ah Inn Hmun Kau Tak an i Lak

Myanmar President, Suu Kyi, Henry Van Thio le Rampi Vuanci pawl nih Naypyitaw ah inn hmun kau taktak an ngah tiin social media ah biachokvai a lengmi cu a dikmi si ko, tiah cozah biachimtu U Zaw Htay nih a chim. Nain, a kaupi cu an si lo, ati.

  • Rampi Ruahnak Petu Pi Aung San Suu Kyi nih inn hmun acre 4 aa lak.
  • President U Win Myint,
  • President hlun U Htin Kyaw,
  • Vice President Henry Van Thio,
  • Rampi Cozah Zung Vuanci U Min Thu le
  • Rampi Ruahnak Petu Zung Vuanci U Kyaw Tint Swe nih inn hmun pe 700 x 500 an i lak, tiin nai ah Facebook ah thawngpang a thang.

Cozah biachimtu U Zaw Htay nih, “inn hmun ngahtu min an chimmi kha cu a dik ko, nain an chimmi tlukin a kau naisai lo,” tiah Naypyitaw ah media sinah a chim.

“President le Suu Kyi nih inn hmun 400 square feet veve an ngah. Rampi vuanci pawl nih 300 square feet cio le rampi vuanci changtu pawl nih 250 square feet cio an ngah. Pe 700 x 500 an timi kha cu a si lo tukmi si,” tiah a chim.

“Rampi vuanci le cozah rank sang pawl nih inn hmun cawk dingin an sok hnu ah Naypyitaw Ṭhanchonak Committee nih Ottarathiri Township um inn hmun a zuarhmi hna si.”

“Inn hmun cu Naypyitaw Ṭhanchonak Committee nih a man a hauhmi ningin an cawkmi asi,” ati.

Nain tangka zeizat in dak an cawk ti cu a chim duh lo. “Naypyitaw Ṭhanchonak Committee kha va hal ko hna uh,” ati. Nain mah committee cu media nih an chawn kho hna lo. — na lunghring maw?

Hmasa cozah a tlaitu USDP biachim Dr. Nanda Hla Myint nih, “cozah rianṭuan pawl nih Naypyitaw ah inn hmun i lak cu a poinak um lo. A ruang cu ralkap cozah lio zongah ralbawi pawl nih inn hmun permit le ramdang mawṭaw luhpinak permit an rak i lak ko,” tiah a chim.

“USDP nih cozah kan tlaih lio zongah vuanci pawl, vuanci changtu pawl le director-general pawl cu inn hmun kan pek ko hna.”

US le ramdang pawl ahcun hitin cozah rianṭuan pawl inn hmun ṭhaṭha i pek/zuarh hi eihmuar (corruption) asi, upadi nih a onh lo.

“A poimi tu cu an chim ningin an tuah lo. Ralkap bawi pawl le USDP nih cun inn hmun zong an i lak, kanmah nih cozah kan tlaih ahcun anmah bantukin caanṭha i lak in inn hmun kan i lak lai lo an ti. Nain an chim ning bantukin an ṭha lo. An hlan cozah nawl an i cawn ko hita,” tiah Dr. Nanda Hla Myint nih a chim.

2018 ah, Suu Kyi nih Naypyitaw i Ottarathiri Township ah ting thong 7 in inn hmun acre 90 a cawk. Daw Khin Kyi Foundation caah a cawkmi si.

A cawkmi hmun cu Raja Thingaha Housing 2 le Ocean Supercenter kungṭeih pawngah a ummi si. Raja Thingaha Housing 1 le 2 cu USDP cozah nih a vuanci, vuanci changtu le director-generals pawl caah a sakmi inn an si.

Tutan i NLD cozah rank sang pawl nih an i cawkmi (lakmi) hmun cu Daw Khin Kyi Foundation pawngah a ummi si. Cuka hrawng inn hmun man ningin tuak ahcun Kawlram tangka ting thong tampi man asi.

U Zaw Htay nih, “USDP Headquarters le Myanmar Ralkap Pension Bu ca zongah inn hmun cu acre 1 ting 50 in an rak zuar ko.”

“Atu zong hi inn hmun a ting rih lomi vuanci pawl zuarh hna dingin inn hmun kan timh lio asi,” tiah a chim. — Irrawaddy English

- Advertisement -

Ṭial Tharmi

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...
- Advertisement -

Kawl Ralkap nih pumtlamtlinglo Chinmi 2 meithal in an kah hna i an hrem hna

Uknak firtu Kawl Ralkap nih June 10 ah Chin state, Mindat peng Phaya Sakhan khuate an luhhnawh i pumtlamtlinglo mi nu le pa meithal...

CDF le Kawl Ralkap i kah ruangah a zaammi Chin ralzaam tampi Mizoram ramri ah an i tap

Nai hrawng cu Chin state ah Chinland Defense Force (CDF) le uknak firtu Kawl Ralkap i kahdohnak a fah caah Chinmi a zaza nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -