17.2 C
Hakha
Monday, July 26, 2021
- Advertisement -

Ṭial Tharmi

President Bush tupa George P. Bush nih President Trump ka Vote Lai a Ti

George P. Bush nih a ra laimi thimnak ah President Trump ka vote lai, tiah a chim. George P. Bush cu President George W. Bush a naupa Jeb Bush fapa asi.

A pa Jeb Bush zong hi minthang ngai asi. 1999 in 2007 tiang Florida State Cozah Lutlai (Governor) a ṭuan. 2016 Republican primary presidential election zongah Trump a rak zuamcawh ve. Nain, Jeb Bush nih cun “Trump ka vote lai/lo kai fiang rih lo” tiah a chim.

Jeb Bush nih a fapa George P. Bush a rak lawmhpi lio

George P. Bush cu atu lio hi Texas Vawlei Uk Zung lutlai rian a ṭuan lio si. Bush chungkhar lakah President Trump ka vote lai tiah fianghlang tein a chimmi cu amah lawng hi si rih.

“President Trump lawng hi America ram socialist ram siter lo dingin aa zuammi si. President Trump cu mi zapi theih in ka ṭanpi lai,” tiah George P. Bush nih Dallas Morning News sinah a chim.

Trump nih atutiang president a ṭuanmi na hmuh ning… tiah an hal i: “Republican policies a ṭha ti cu a fiang tuk ko,” tiah a leh hna.

“Vawlei pumpi harnak a petu zawtnak in mipi him hna seh tiin hlan i tuah bal lomi tiangin company khar asi nain kan ram sipuazi aa let thluahmah ko hita. America le Texas kan ṭhawng chin lengmang lai ti cu a fiang ko,” ati.

George P. Bush le a pu President George H. W. Bush (tleicia)

George P. Bush cu 2016 zongah Trump a rak vote mi si.

2019 April thla ahkhan President Trump nih George P. Bush a uarnak kong a rak chim bal

2019 April thla ahkhan President Trump cu Crosby khua mipi sin bia a chim lio ah George P. Bush cu mipi sinah theihternak a rak tuah.

“George, kahin ra! George lawng hi Bush lakah aa ka dawmi si. Amah lawng hi si. Kahin ra, ton kan duh!,” tiah Trump nih stage cungah a rak auh.

“Biatak te si, amah lawng hi Bush lakah a pemhmi si,” tiah mipi cu a rak chimh hna. George P. Bush cu stage cungah a rak kai i Trump he tlawmpal bia an rak i ruah.

A papi (a pa upa) President George W. Bush, amah George P. Bush le a pu (a pa pa) President George H. W. Bush (tleicia)

President Trump vote pek lo kong

Nai ahkhan The New York Times le media dang pawl nih, “President hlun George W. Bush nih cun Trump vote a tim lo. Amah acozah lio i Ramdang Vuanci a ṭuanmi Colin Powell lebang nih cun Joe Biden vote a timh … ” tiin an ṭial.

Nain, President Bush aiawh biachimtu Freddy Ford nih, “President Bush nih Trump ka vote lai/lo ti hrim a chim lo, an phuahcopmi si,” tiah a chim.

“President Bush cu president ramkhel rian in aa din cang i ho dah ka vote lai ti zong a chim rih lo,” ati.

President Bush nih cun 2016 zongah Trump a rak vote lo.

Colin Powell tu nih cun “Trump ka vote lai lo. Joe Biden ka vote lai …” tiah CNN interview ah a chim taktak.

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -