President Biden nih President Putin cu ‘Ukrain na tuk cun fak taktak in kan in lehrulh lai’ tiin ralrin a pek

- Advertisement -

Russia President Vladimir Putin cu US President Joe Biden nih, “Ukraine ram na tuk ahcun US le kan ṭanṭi ram pawl nih fak taktak in kan in lehrulh lai,” tiin ralrin a pek.

US cozah nih, “Russia nih zeitik paoh ah Ukraine a tuk khawh men caah Ukraine um US minung vialte a rannak in Ukraine chuah tak dih uh,” tiin kan hnu zarh ah thawng a thanh cang.

President Biden nih, “Russia ralkap pawl hi Ukraine an luh le tuk bak ahcun US le kan ṭanṭi ram pawl nih fak chiahru in kan in lehrulh lai ati,” tiah US President Zung White House nih a thanh.

Russia nih Ukraine ramri ah tank le hriamnam ngan pawl he ralkap a thlahmi cheukhat

Russia President Putin nih a ralkap ting 1 (100,000) leng bak Ukraine ramri ah tank le hriamnam ngan pawl he a thlah hna caah Ukraine, US le Europe ram hruaitu vialte zaan hngilh kho lo lungrethei in an um hna.

Kum 2014 ahkhan Russia President Putin nih Ukraine ram, Crimea state a tuk lak cang caah atu bantukin Ukraine ramri dihlak ah a ralkap khat dihlak in a kuat hna cu NATO le US an lungrethei taktak.

White House nih, “US nih cun Russia le Ukraine entainak hi cabuai cung ramkhel biaruahnak in daihter kan i zuam ko, nain a herh ahcun a herh ning paoh in hma lak dingin timhcia kan si,” tiah US ralkap in tuk ding phun tiang in a chim.

Russia ramri Ukraine khuami tampi cu Russia ralkap doh dingin raltuk an cawng i hriamnam an i tlaih ve hna – Ukraine ralkap an tlawm tuk caah rammi sawhsawh nih bawmh an timh hna

US cozah nih helicopter, vanlawng le missile kahnak hriamnam tampi zong Ukraine ralkap a kuat hna i Russia ramri ah Ukraine ralkap nih redi in an i kalpi dih cang. US ralkap 3,000 leng zong Ukraine innpa Poland ah an kuat cang hna.

Ukraine khualipi Kyiv um US Tanzung rianṭuan le an chungkhar pawl tam deuh cu US cozah nih a lak dih cang hna. Ukraine ralkap tinṭan a petu US ralkap (Florida National Guard) 160 zong Pentagon nih a lak cang hna.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...