President Biden le Dr Sasa nih Myanmar ralkap cozah hrawhnak kong hitin an chim

“Mipi democracy pe ṭhan hna tiin Myanmar ralkap cozah kan hnek tik ahhin ramkip i bawmh a biapi tuk,” tiah US President Joe Biden nih May 21 ah President Zung (White House) ah thawngla pawl a chimh hna, cucu Yangon um US Tanzung nih Facebook ah a tar.

Dr Sasa nih aa share i, “Ramkip bawmhnak hi, sahrang bantuk a simi phungninglo ralkap cozah donghter in federal ram thar sernak caah tawhfung bantuk asi,” tiah a ṭial.

“President nih atu lio Myanmar boruak tlangtlak nai zuammi le ramkip i bawmh a herh tukmi kong na chimmi cungah a thar in ka lawm tuk ṭhan.

“NUG cozah i Ramdang he Rianṭuanṭinak Vuanci ka si bang, Myanmar kong ramkip i bawmhnak caah a herhmi paoh ṭuanrel ṭi dingin timhcia ka si,” ati.