11.6 C
Hakha
Thursday, November 26, 2020

COVID-19

Vawleipumpi
60,837,024
A zawmi
Updated on November 26, 2020 11:54 am
Vawleipumpi
1,429,128
A thimi
Updated on November 26, 2020 11:54 am
Vawleipumpi
41,676,102
A dammi
Updated on November 26, 2020 11:54 am

Pope Francis nih US President-thimmi Joseph Biden a Lawmhpi

Advertisement

Joe Biden le Pope Francis phone an i chawn i President Trump a teimi kongah President-thimmi Joe Biden cu a lawmhpi, tiah Fox News nih a thanh.

Fox News cu Republican a ṭanh taktakmi si caah President Trump (Republican) ṭanhtu pawl nih an zumh bikmi US media nganbik si. Fox News a zohtu 93% cu Republican ṭanhtu lawngte an si, tiah 2019 Pew Research nih a thanh.

“Thluachuah na ka halpiak i na ka lawmhpi caah kaa lawm tuk. Cun, vawleipumpi ah daihnak le remnak a len khawhnak ding, mikip i dawt khawhnak ding caah nai zuam peng caah na cungah kaa lawm tuk, tiah president-thimmi nih Pope Francis cu a chimh,” tiin Biden uknak laknak team nih cathanh a chuah.

“Sifak santlailo hna zong nih limhang an ngeih khawh venak hnga le mi vialte he aa tluk tein covo an hmuh khawh ve nak hnga US ah refugee le mipeem kan lak hna lai, cun khuati thlen doh zong kan i bawm lai, tiin president-thimmi nih a chimh fawn,” ati.

Pope Francis cu vawlei cung RC vialte hruaitu asi. Joseph Biden cu RC (Roman Catholic) asi. RC member chungin 2nak US President a ṭuanmi si. 1nk cu kum 1960 ah John F. Kennedy asi – Joe cu Joseph a tawinak si. Bible min asi caah Laimi Khrihfa tampi zong nih Joseph cu an i sak cio.

Biden cu President Obama acozah lio ahkhan Vice President a rak ṭuan. Francis cu 2013 ah RC lubik Pope ah an thim caah Pope rian i khinh dingin biakamnak a tuah lio ah US Vice President Joe Biden nih US cozah rank sang pawl a rak kalpi ve hna.

Kum 2 hnu ah, Pope Francis cu US tlawn aa tim i Vice President Biden nih a rak zulh. 2016 zongah Biden le Pope cu Vatican civui ah an rak i tong ṭhan.

April 29, 2016 ah Vatican ram ah Biden nih Pope Francis a ton lio

Vawlei cungah minung 7.3 billion kan um. Mah chungah a tambik cu Khrihfa (2.2 billion) kan si. Khrihfa 2.2 billion chungah a tambik cu RC (1.3 billion) an si.

Cucaah, vawlei ah remnak le daihnak a len khawhnak ding ahcun Khrihfa hi kan biapi taktak. Mah ruang cun, US le ram ṭhawngṭha cozah pawl nih cun Khrihfa, ahlei in RC lutlai hi an ton lengmang. Muslim lutlai a simi Middle East siangpahrang pawl zong nih an ton lengmang. Lam nai bikah, Aung Sang Suu Kyi le Thailand Siangpahrang le Prime Minister zong nih an ton – mah vialte Khrihfa cu kan umnak cio ah kan himnak hnga amah RC hruaitu zong nih biatak tein aa zuam ve.

Biden cu president aa cuh lio ah Khrihfa zumhnak fek a sinak cu Bible caang telh in a langhter tawn. Cun, Biden cu a zaal chungah RC thlacamnak vailum tung ṭhi (rosary beads) aa sanh lengmang.

November 3 thimnak tuah lioah, vote a thlami pawl cu an ṭinlei ah bia an hal hna (exit poll) tikah RC tam deuh nih cun Biden mee an pek. RC 52% nih Biden an vote i 47% lawng nih Trump an vote.

2016 ahcun RC 50% lawng nih Hillary Clinton an rak vote i 46% nih Trump an rak vote. Cucaah, RC tam deuh nih cun Trump le Hillary nakin Biden an duh deuh ti a lang.

Kan Bawm Ve

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan rianṭuannak ah bawmh a kan duhmi nan um cun, thla 1 $5 tein bawmh khawh kan si. Lunglawmh thawngthanhnak caah na min le hmanthlak na kan kuat khawh cun kan i lawm chinchin ko hnga.

Email Kan Kua

Na email kan kua law, ni fatin thawngpang thar kan in kuat lai

Email Kan Kua

Na email kan kua law, ni fatin thawngpang thar kan in kuat lai

Ṭial Tharmi

UNHCR thawngthanh: Malaysia milurelnak ah i tel uh

Malaysia milurelnak MyCensus 2020 kong ah UNHCR nih cathanh a chuah. MyCensus 2020 cu zeidah a si? Milurelnak timi cu ram pumpi ah minung pa zeizat...

Update: Zar Nyi nih Chin Mipi Tangka Ting 200 Leng a Fir

"Kan Lai pa Zar Nyi nih CNI Lucky Draw a tuah i Chin mipi tangka ting 100 leng a hlen hna" tiin nizaan ah...

Paletwa ralzaam bawmhnak caah The Winner Live Show an tuah lai

Paletwa peng um ralzaam pawl bawmhnak caah Chin awttha minthang 6 nih December 18 le 19 ah hlasaknak an ngei lai. Chin awttha 6 cu...

Malaysia in a Tlungmi Laipa nih Kawlram ah Minung Tampi Tangka Ting 100 Leng a Hlen Hna

Malaysia ah mi tangka fir le mi tangka hlen a hman tuk ruangah Kawlram ah a zaammi Lai pa Zar Nyi nih Hakha, Chin...

Ṭial Tharmi

UNHCR thawngthanh: Malaysia milurelnak ah i tel uh

Malaysia milurelnak MyCensus 2020 kong ah UNHCR nih cathanh a chuah. MyCensus 2020 cu zeidah a si? Milurelnak timi cu ram pumpi ah minung pa zeizat...

Update: Zar Nyi nih Chin Mipi Tangka Ting 200 Leng a Fir

"Kan Lai pa Zar Nyi nih CNI Lucky Draw a tuah i Chin mipi tangka ting 100 leng a hlen hna" tiin nizaan ah...

Paletwa ralzaam bawmhnak caah The Winner Live Show an tuah lai

Paletwa peng um ralzaam pawl bawmhnak caah Chin awttha minthang 6 nih December 18 le 19 ah hlasaknak an ngei lai. Chin awttha 6 cu...

Malaysia in a Tlungmi Laipa nih Kawlram ah Minung Tampi Tangka Ting 100 Leng a Hlen Hna

Malaysia ah mi tangka fir le mi tangka hlen a hman tuk ruangah Kawlram ah a zaammi Lai pa Zar Nyi nih Hakha, Chin...

COVID-19

Vawleipumpi
60,837,024
A zawmi
Updated on November 26, 2020 11:54 am
Vawleipumpi
1,429,128
A thimi
Updated on November 26, 2020 11:54 am
Vawleipumpi
41,676,102
A dammi
Updated on November 26, 2020 11:54 am
- Advertisement -