11.6 C
Hakha
Thursday, November 26, 2020

COVID-19

Vawleipumpi
60,837,024
A zawmi
Updated on November 26, 2020 11:54 am
Vawleipumpi
1,429,128
A thimi
Updated on November 26, 2020 11:54 am
Vawleipumpi
41,676,102
A dammi
Updated on November 26, 2020 11:54 am

Pope Francis nih ‘Chiaṭha-khat i Um’ a Pom

Advertisement

Vawlei cung khrihfa tambik RC hruaitu a simi Pope Francis nih chiaṭha-khat a simi nu le nu, pa le pa i um a pom.

Pope Francis nih a pommi hi;

  1. Khrihfabu nih ṭhitum puai tuahnak nawl pek si loin
  2. Biakinn ah puai tuah loin biaceihzung ah i umnak minsen thut (civil union) nak nawl an ngeih ve awk si, ti khi si. Nain a phi chuak cu chiaṭha-khat i um kha si ko, Khrihfa phungin puai tuah le Pathian sinah biakam aa tel lomi lawng si.

“Chiaṭha-khat minung zong Pathian fa an si ve, chungkhar ngeihnak nawl an ngei ve. Upadi ning tein an i um khawhnak hnga cozah nih ‘civil union upadi’ a tuahpiak hna herh,” tiah Pope Francis nih a chim.

Pope Francis cu “Francesco” timi documentary movie an thlak lio ah interview an tuah i chiaṭha-khat i um a pomnak kong a chim hi si. Movie cu Nithumni ahkhan Rome Film Festival ah an piah.

Vawlei cung biaknak nganbik cu Khrihfa a si i milu 2.4 billion kan si. A changtu ah muslim 1.9 billion an si. Khrihfa 2.4 billion chungah acheu leng (1.3 billion) hi RC an si. Mah vialte RC lubik cu Pope a si.

Pope nih chiaṭha-khat i um a pommi kong cu vawlei cung media tumtlang vialte nih linsa takin an ṭial cio i vawleipi a hninh dih. Media nih an tarnak kip ah comment ah khrihfa pawl an zai tuk hna.

Pa le pa aa ummi

Laimi tampi zong nih kan theih ngaimi Pathian mihman Franklin Graham zong nih media nih an ṭialmi cu aa share i “Pope nih mah bia a chimmi hi Pathian Bia (Bible) mit in zoh ahcun ruah ngam hmanh si lo,” ati.

“Pope Francis nih chiaṭha-khat sinak a phung bantukin tuah a timhmi hi cu Ca Thiang (Bible) hi a palh i kan sualnak hi a biapi lo, sual kan tuah kho peng ko ti he aa khat. Cutin si ahcun, Jesuh Khrih thih, vui le thawh ṭhan kha a herh hnga lo,” ati.

Anmah RC chung lila ah bishop tampi nih an doh i cheukhat nih an dirkamh ve.

US ram Rhode Island um Bishop Thomas Tobin nih, “Pope nih a chimmi hi RC khrihfa cawnpiaknak he aa kalh. Pumsa duhnak in a chuakmi ruahnak thurhnawm cu RC khrihfabu nih a cohlang kho lo,” tiah a soisel colh.

Sinain, New Ways Ministry hruaitu a simi Francis Debernardo nih cun, “Pope nih chiaṭha-khat i um a pommi cu nudokpadok pawl a hrem pengmi RC khrihfabu tuanbia a thlen bak,” tiah lunglawm ngai in a cohlan.

“Pope nih mah bia a chimmi nih hin nudokpadok chungkhar a khamh hna lai pinah, nudokpadok nunnak tampi zong a khamh lai,” ati.

Francis hlan ah Pope a rak ṭuanmi vialte nih cun chiaṭha-khat i duh le um cu an duh bak lomi le an dirkamh bak lomi asi.

nu le nu aa duhmi

Marriage le Civil Union aa dannak

Ṭhitumnak (marriage) cu ho paoh nih kan theih dihmi si i chim awk um lo.

Civil Union cu punghman ṭhitumnak bantukin biakinn ah ṭhitum puai (wedding) tuah le Pathian sinah bia i kam te hna a um lo. Upadi/biaceihzung ah “kan i um (nuva/couple kan si)” tiin minthut lawng asi.

Civil Union in aa ummi cu biaceihzung/upadi ah nuva an si i nu le pa aa ṭhiummi covo (chungkhar/fa ngeih, tax file ṭi, innlo i roh, tbk.) vialte an ngei ve, “marriage” timi biafang an hman lomi le khrihfa phung aa tel lomi te lawng asi. Phun dangin chim ahcun “Khrihfa phung loin, upadi lawngin i umnak” ti khawh asi.

Cucaah, Pope Francis nih a pommi hi khrihfabu nih chiaṭha-khat pawl a thiang ṭhitumnak tuahpiak si loin cozah/upadi nih i umnak nawl (civil union) a pek hna awk si i upadi ningin tein chungkhar an ngeih ve awk asi, ti khi si. Nain a donghnak phichuak cu chiaṭha-khat i um (ihṭi) kha si ko, i um daan aa khah lomi lawng si.

Charhchan: Fox News, New York Times, The Guardian, NBCNews, Civil Union vs Marriage by RocketLawyer.com

Nang zeitin na ruah? Vawlei cung Khrihfa nganbik RC hruaitu Pope Francis hi a dik tiah na ruat maw? Na ruahning comment ve.

Kan Bawm Ve

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan rianṭuannak ah bawmh a kan duhmi nan um cun, thla 1 $5 tein bawmh khawh kan si. Lunglawmh thawngthanhnak caah na min le hmanthlak na kan kuat khawh cun kan i lawm chinchin ko hnga.

Email Kan Kua

Na email kan kua law, ni fatin thawngpang thar kan in kuat lai

Email Kan Kua

Na email kan kua law, ni fatin thawngpang thar kan in kuat lai

Ṭial Tharmi

UNHCR thawngthanh: Malaysia milurelnak ah i tel uh

Malaysia milurelnak MyCensus 2020 kong ah UNHCR nih cathanh a chuah. MyCensus 2020 cu zeidah a si? Milurelnak timi cu ram pumpi ah minung pa zeizat...

Update: Zar Nyi nih Chin Mipi Tangka Ting 200 Leng a Fir

"Kan Lai pa Zar Nyi nih CNI Lucky Draw a tuah i Chin mipi tangka ting 100 leng a hlen hna" tiin nizaan ah...

Paletwa ralzaam bawmhnak caah The Winner Live Show an tuah lai

Paletwa peng um ralzaam pawl bawmhnak caah Chin awttha minthang 6 nih December 18 le 19 ah hlasaknak an ngei lai. Chin awttha 6 cu...

Malaysia in a Tlungmi Laipa nih Kawlram ah Minung Tampi Tangka Ting 100 Leng a Hlen Hna

Malaysia ah mi tangka fir le mi tangka hlen a hman tuk ruangah Kawlram ah a zaammi Lai pa Zar Nyi nih Hakha, Chin...

Ṭial Tharmi

UNHCR thawngthanh: Malaysia milurelnak ah i tel uh

Malaysia milurelnak MyCensus 2020 kong ah UNHCR nih cathanh a chuah. MyCensus 2020 cu zeidah a si? Milurelnak timi cu ram pumpi ah minung pa zeizat...

Update: Zar Nyi nih Chin Mipi Tangka Ting 200 Leng a Fir

"Kan Lai pa Zar Nyi nih CNI Lucky Draw a tuah i Chin mipi tangka ting 100 leng a hlen hna" tiin nizaan ah...

Paletwa ralzaam bawmhnak caah The Winner Live Show an tuah lai

Paletwa peng um ralzaam pawl bawmhnak caah Chin awttha minthang 6 nih December 18 le 19 ah hlasaknak an ngei lai. Chin awttha 6 cu...

Malaysia in a Tlungmi Laipa nih Kawlram ah Minung Tampi Tangka Ting 100 Leng a Hlen Hna

Malaysia ah mi tangka fir le mi tangka hlen a hman tuk ruangah Kawlram ah a zaammi Lai pa Zar Nyi nih Hakha, Chin...

COVID-19

Vawleipumpi
60,837,024
A zawmi
Updated on November 26, 2020 11:54 am
Vawleipumpi
1,429,128
A thimi
Updated on November 26, 2020 11:54 am
Vawleipumpi
41,676,102
A dammi
Updated on November 26, 2020 11:54 am
- Advertisement -