6.2 C
Hakha
Saturday, January 23, 2021

COVID-19

Vawleipumpi
99,011,538
A zawmi
Updated on January 23, 2021 6:47 pm
Vawleipumpi
2,122,886
A thimi
Updated on January 23, 2021 6:47 pm
Vawleipumpi
70,931,888
A dammi
Updated on January 23, 2021 6:47 pm

Pi Aung San Suu Kyi a tlawnnak Rakhine state ah bomb a puak

Advertisement

Myanmar ram ruahnak petu Pi Aung San Suu Kyi cu tuni zinglei ah Rakhine state, Manaung khua a phan i mipi he tonbiaruahnak le solar electric sehzung onnak puai ah a kal.

Pi Aung San Suu Kyi a phak hlan deuh ah vawlei hmenhmi bomb 3 a puak tiah Manaung khuami nih an chim.

Manaung khua lai in meng 3 hrawng a hlatnak Nga thlanhmun pawng lam ah le solar electric sehzung onnak puai tuahnak hmun in meng 5 hrawng a hlatnak ah bomb cu an puak.

“Bomb cu zinglei sml 6.30 hrawng ah an puak i Manaung Hotel in furlongs 2 hrawng a hlat. Aa hliammi an um/lo kan theih lo. Thinphang in kan um ko. Cucaah, kan chungle cu lengchuak tikah ralring tein um uh kan ti hna,” tiah Manaung khuami Saw Mon nih a chim.

“Bomb a puahnak hmun ah thil sining kan hlat lio a si,” tiah Rakhine state palek bawi Maung Maung Soe nih a chim.

“Bomb cu a pin tuk lo, aa hliammi zong an um lo. Solar electric sehzung onnak puai zong an tuah dih cang. Thil sining cu kan hlat liopi a si i a hnu deuh ah tling deuh in thawng kan thanh tthan te lai,” tiah Maung Maung Soe nih a chimchap.

Pi Aung San Suu Kyi cu Thandwe khua in ralkap helocopter in tuzing sml 8.30 hrawngah Manaung khua a phan. Mipi he tonbiaruahnak an ngeih dih hnu chun ahkhan Thandwe khua ah a kir tthan. – The Irrawaddy

- Advertisement -

Bawmh Khawh Kan Si

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan rianṭuannak ah bawmh a kan duhmi nan um cun, thla 1 $5 tein bawmh khawh kan si.

Ṭial Tharmi

Ṭial Tharmi

COVID-19

Vawleipumpi
99,011,538
A zawmi
Updated on January 23, 2021 6:47 pm
Vawleipumpi
2,122,886
A thimi
Updated on January 23, 2021 6:47 pm
Vawleipumpi
70,931,888
A dammi
Updated on January 23, 2021 6:47 pm
- Advertisement -