Phuchim Hran Ruangah US Chinmi Harnak An Tong

Phuchim Hran Ruangah US Chinmi Harnak An Tong

Zahan zanlei 4:30pm hrawng ah US ram, Iowa state i khua pathum Marshalltown, Bodurant le Pella hna ah phuchim fak tukin a hran caah motor a leh hna, thingkung a thluk hna i inn zong a hrawh hna.

Khua 3 ah minung 17 leng an i khawngdeng. Mei zong a mit.

Marshalltown khua ah a um Chin biakinn le Chinmi inn cheukhat zong a hrawh hna.

“Marshalltown ummi Laimi zong kan biakinn le innlo a rawkmi a um len ve nain hmun dang le midang rawh ning naak in a ding deuh tiah CBCM Marshalltown pastor Rev. Thawng Kam nih CBCUSA viber group ah thawngthanhnak a tuah i hnangam deuh ngai a si,” tiah Vanceuuk Khenglawt nih a ttial.

Marshalltown Laimi Harnak An Tong
Marshalltown khua ah phuchim nih a hrawhmi inn

“Nizaan in atutiang ah Iowa state chung khua 3 ah phuchim voi 27 a hrang cang,” tiah CNN nih a ttial.

Minung 27,000 hrawng an umnak Marshalltown khua ah minung 10 an i hliam.

“Vantthat ah, an i hliamnak hma a fak hna lo,” tiah sizung pakhat i biachimtu nih a chim.

Marshalltown ummi kan unau hna caah thla campiak cio hna usih. A lianngan kan Pathian nih him tein umter hram hna seh.

Pella khua ah a ummi company Vermeer Corporation zong phuchim nih a hranh caah rianttuantu minung 7 sizung an phan.

“Kan company thil tam taktak a rawk,” tiah company lutlai CEO Jason Andringa nih a chim.

Bodurant khua ah thingkung tampi lam cungah an tlu. Inn tampi an rawk.

Marshalltown khua hi a zual biknak a si.

| Vanceuuk Khenglawt, CNN

Leave a Reply

Your email address will not be published. Required fields are marked *