Nizaan Christmas ni ah Philippines ram ah Phanfone timi thlichia a hrang i a tlawmbik minung 16 an thi tiah nawl ngeitu nih thawng an thanh.
Phanfone thlichia cu Philippines ram a laicer i Visayas khua le khualtlawng an tam ngainak khuate pawl ah a hrang i thingkung an pur, inn an rawk i electric mei zong a mit.
Philippines ram ahhin RC (Khrihfa) an tam bik i thlichia ruangah Christmas ni sunglawi hmang kho loin mi thong tampi zaamter an si.
Tu zingka tiangah a rawhral tuknak hmun pawl ahcun internet le phone line an ngah rih lo.
Thlichia hi December 24 inkhan a hrang cang i island hmemi in aa thok. Minung thong 4 leng hmundang ah kan tthial hna tiah palek nih an chim.
Thlichia ruangah vanlawng le tilawng zong let an si.
Phanfone thlichia cu a tha der cang nain 2013 ah a hrangmi Super Typhoon Haiyan thlichia he an hrannak lam aa khat. Haiyan thlichia ruangah minung 7,300 leng an an thi silole an rak tlau.
