Pathian Bia Capo In Kan Aupi Lengmangmi Hi A Palh Taktakmi A Si

Pathian Bia Capo

“Pathian thawngṭha hi lainawn kong aa tel, thisen chuah kong a si caah thawngṭha bia kan ngaih tik ahhin a nuam zawng si loin lungtak tein Pathian dawtnak kan ngaih ding hi thazaang pek kaan duh ngaingai hna” tiah Rev Hoi Cung Tum nih a chim.

“A nuam zawng in Pathian bia kan ngaihmi hi kan i palh ngaingaimi si. Pathian bia hi nangmah ruangah mi fapa (Jesuh) chiatserh in a thihnak kong a si. Capo in kan aupi lengmangmi hi a palh taktakmi thawngṭha aupi ning a si” tiah a chim.

“Kannih Laimi cu nihnak aa tel lo ahcun kan ba. Mah hihi kanmah thawngṭha chimtu zong nih kan in hrawh hna i thawngṭha ngaitu nanmah zong nih na kan hrawh pakhat a si” tiah a chimchap.

A internet a ṭhat theng lo caah video a zoh kho lomi caah ca in ka ṭialmi a si. A internet a ṭhami nih cun video hi zoh usih. [A chimnak hi kum 1 a luan cang nain Pathian thawngṭha cu a ṭhing le thar ti a um lo caah mah kong a thei rih lomi caah siseh a thei cang nain a philh cangmi ca zongah ka hung tar ṭhan hi a si]

Laimi thawngṭha chim pawl hi capo an telh duh ngai hrim. Kaa theihnak in nihin tiang Laimi thawngṭha ka ngaihmi ah capo telh loin thawngṭha a chimmi hi an um lo tluk a si.

Rev. Hoi Cung Tum nih mah kong a chimmi hi Laimi thawngṭha chim he thawngṭha ngai he kan ruah ngai awk a si tiah ka ruah.