17.2 C
Hakha
Monday, July 26, 2021
- Advertisement -

Ṭial Tharmi

Pastor David Lah cu tazacuai nak in a luat rih lo

Lai website cheukhat nih, “Pastor David Lah taza an cuaimi cu Daw Suh Kyi bawmhnak in a luat cang,” tiah an ṭial i Facebook group tampi ah an thlah. Careltu tampi nih “Amen” tiin an comment.

Thawngpang deu (fake news) asi. Pastor David Lah telh in minung 4 taza an cuaimi hna cu atutiang an luat rih lo. Pehzulh in an case tolrelpiak an si peng ko, tiah Palek Sakhan nih an fehter.

“Mah kong he pehtlai in ngaihthiam/lo kong zeihmanh kan dong rih lo. Ahmuh/case kan onpiak hna ning tein kan pehzulh cuahmah lio asi ko,” tiah Insein Palek Sakhan bawi changtu Tin Latt nih April 16 zingka ah a chim.

Mah pinah, Mayangon Palek Sakhan in palek pakhat nih, “tazacuaimi an leetpiak cang hna timi cu thawngpang diklo asi. Kokek Ral Vennak Upadi in case onpiak an si cang,” tiah April 16 zingka ah a chim ve.

Cozah nawl chuahmi zul loin minung tampi a pumhpi tu Pastor David Lah le midang 3 cu Kokek Ral Vennak Upadi in tazacuai an si cang, tiah Yangon Covid-19 Zawtnak I Runvennak Kawmaṭi nih April 14 ah thawng a thanh.

“Pastor Saw Kwe Wah le U Saw Ray Gandi cu Insein Palek Sakhan ah case onpiak an si.

“Thawngṭha chimtu Pastor David Lah le U Wai Tun cu Mayangon Palek Sakhan ah case onpiak an si,” ati.

Cutin thawng a thanh ni ah Rampi Ruahnak Petu Daw Aung San Suu Kyi nih,”Insein mibu sinah zawtnak rungrul an hmuh ti thokin Yangon ramṭhen cozah thil tuahmi ruangah kan ram mipi kar lungrual lonak a chuahmi hi ngaihchia tuk asi. Nan thinhunnak daihter uh. Rampumpi Covid-19 I Runvennnak Kawmaṭi hruaitu ka dirhmun in mah kong hi ningcang te le thleidannak um loin ka tolrel lai,” tiin Facebook ah a ṭial.

Cutin a ṭial thaizing (April 15) thokin “minung 4 taza an cuaimi hna cu Suu Kyi bawmhnak in an luat cang” tiin mipi kar ah biachokvai a leng i Facebook ah an ṭial/share cio.

Mah bia chokvai cu Lai website cheukhat nih an i zumh caah Laica in an leh i Laimi Facebook group tampi ah an rak post vemi asi.

Charhchan: 7Day News

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -