16.7 C
Hakha
Thursday, June 17, 2021
- Advertisement -

Ṭial Tharmi

Paletwa Ralzaam caah Tangka Ting 2,400 in Ralzaam Camp an Sak Lai

Chin state, Paletwa peng ralzaam hna i dornak caah tangka ting 2,400 in ralzaam camp (IDPs Camp) kan sak lai, tiah Chin State Cozah biachimtu Sipin Vuanci U Soe Htet nih a chim.

Paletwa peng ahhin minung ting 1 fai an um. Rakhine Hriamtlai (AA) le Myanmar Cozah Ralkap an i kah ruangah minung thong 60 hrawng an him ti lo i zaam hau dirhmun ah an um.

Minung 9,000 cu an innlo chuahtak in an zaam cang i Paletwa khuapi, Samee le Miza khua i sianginn le biakinn pawl ah an i dor hna. Chungkhat inn ah aa fonmi zong an um.

Sianginn on caan a phanh deng caah ralzaam pawl cu duh/lo zongah i ṭhial an hau cang. Fur zong asi cang lai caah ralzaam camp sak kan timh hi si, tiah U Soe Htet nih a chim.

Hlasa minthang David Lai nih Paletwa ralzaam bawmhnak tangka ting 50 a pek hna lio. Ting 50 man sii zong a pek hna. – Photo: Khumi Media Group

U Soe Htet nih, “IDPs Camp saknak caah Rampumpi Cozah nih tangka ting 1,200 a kan bawmh. Chin State Cozah tangka ting 1,200 kan hman chap lai i a dihlak ting 2,400 si lai.

“Inn 48 kan sak lai. Sak zong kan thok cang;

  1. Paletwa,
  2. Samee,
  3. Miza le
  4. Seinsin khua 4 ah sak kan thok cang.

“Inn cu pe 100 sau, pe 30 kau in sak an si lai. Pe 10 x 15 in khaan 20 kan dar lai. Inn pakhat ah chungkhar 20 an um kho lai.

“Inn 48 ahcun chungkhar 960 an um kho lai,” tiah a chim.

Atu lio ralzaam dornak buk cheukhat. Fur ahcun hman khawh si lai lo. – Photo: Khumi Media Group

Paletwa khua, Samee, Miza le Seinsin khua ah aa dormi ralzaam chungkhar 1,800 hrawng an um nain, cozah nih chungkhar 960 lawng a bawmh khawh hna lai.

Chin Ralzaam Bawmhnak Committee (RRCCI) biachimtu Mai Nan Way nih, “fur kan phak cang lai caah tu thla chungah sak dih a hau. Bawmhnak kan halpiak cuahmah hna lio asi,” tiah a chim.

“Cozah nih chungkhar 900 fai a sak piak hna lai i a taangmi cu hlutmi tangka in kan sakpiak hna lai. Samee ah atu hi inn 1 tangka ting 2 dih dingin an sak lio asi. Chin State Cozah nih a sakmi zong um i kanmah sinah hlutmi tangka in sakmi zong um,” ati.

Paletwa pengah facang a piatnak thla 2 deng asi cang. Facang tun 1 35,000 kyats man khi Paletwa ah 70,000 le 80,000 in kan cawknak thla 3 hrawng asi cang i kan harsa tuk, tiah Mai Nan Way nih a chim.

Facang tun 830 Paletwa a phak lio – Photo: Khumi Media Group

Sipin Vuanci U Soe Htet nih, “atu lio harnak an tonmi cu rawl asi. Facang kuatnak caah a him lo. Ral zong a um rih caah lam an khammi zong um i facang kuat khawh an si lo,” tiah a chim.

“Nain, Matupi – Samee – Paletwa lam in kan kuat hna i avoi 1nk ah facang tun 830 a phan. Avoi 2nk ah facang tun 2,000, chiti, cite le pe zong ralkap mawtaw in kan kuat hna i a phan.

UN WFP nih Paletwa ralzaam facang a kuat hna lio ah hriamtlai nih meithal in an kah – Photo: Khumi Media Group

“Hnu ah, UN WFP nih facang tun 1,000 cu Paletwa tiang a kuat hna. Ei awk kong cu cutin kan tuahpiak hna,” ati.

Mah pinah, sii le zawtfah thlopbulnak zong an herh tuk. Mizaw phorhnak mawtaw zong hlan awk a har tuk i a man fah tuk caah an chanbau ngai.

Chin State Cozah nih Samee le Paletwa khua kauh a timh cuahmah lio asi. Mahka zongah ralzaam pawl cu inn man fawi sakpiak hna dingin khua an khan, tiah Chin State Cozah sin in kan theih.

Charhchan: Irrawaddy

- Advertisement -

Ṭial Tharmi

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...
- Advertisement -

Kawl Ralkap nih pumtlamtlinglo Chinmi 2 meithal in an kah hna i an hrem hna

Uknak firtu Kawl Ralkap nih June 10 ah Chin state, Mindat peng Phaya Sakhan khuate an luhhnawh i pumtlamtlinglo mi nu le pa meithal...

CDF le Kawl Ralkap i kah ruangah a zaammi Chin ralzaam tampi Mizoram ramri ah an i tap

Nai hrawng cu Chin state ah Chinland Defense Force (CDF) le uknak firtu Kawl Ralkap i kahdohnak a fah caah Chinmi a zaza nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -