Tuni ahkhan Pakistan ram, Punjab province i Rahim Yar Khan district pawngah minung cit tlanglawng a kaang i a tlawmbik minung 65 an thi, mi tampi hliam an tuar tiah cozah nih thawng a thanh.

TV chungah tlanglawng cu mei nih a kangh thluahmahmi le minung an ttah-ai thawng theih a si.

“Minung 65 leng an thi lai. Minung 40 leng hliam hma an tuar,” tiah province ngandamnak Vuanci Dr. Yasmin Rashid nih a chim.

Hmapu mi pawl cu thil a cannak pawng i Bahawalpur khua sizung ah an kalpi hna.

“Khualtlawng nih an i phorhmi gas dur a puak” tiah human rights minister Shireen Mazari nih a ti.

Tlanglawng hi Tezgam company ta a si i Pakistan ram ah tlanglawng minthang bik le a hlunbik a si. Tlanglawng accident hi Pakistan ram ah a tambik. Eihmur a tamtuk ruangah kum tampi hman cangmi tlanglawng lam pawl cu an remh bal lo.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.