P. Thawng Bawi nih ‘Dawtmi Dingdi’ in ‘Kum 100 Chung Hla Thabik Laksawng’ a Hmuh

- Advertisement -

P. Thawng Bawi @Cung Lian Thawng nih a nungak Dadeo Cer (atu lio a nupi) a ngaihnak kong a phuah i sakmi hla ‘Dawtmi Dingdi’ cu kum 100 chungah mipi nih uar bikmi le duh bikmi asi tiin Song of the Century laksawng an pek.

A thaisung Dadeo Cer nih, “Congratulations my dear!!!,” tiah a lawmhpi ve.

Na duhmi nungak na ngaihnak kong hla na phuah i nangmah bak nih na sakmi in laksawng hmuh, na duhmi nungak co chap, na duhmi nungak/nupi nih lawmhpi chap — vun i siter ve law a sunglawi taktak lai….hmmm…. ‘samhri sih’ timi le ‘Pathian khau khih’ timi hi a um taktak ko rua.

P. Thawng Bawi cu a khirhfabu Imanuel Baptist Church (IBC – Hakha) tiang nih a lawmhpi, “Kan khirhfabu nih hla le music lei ah kan bochanmi Pu P. Thawng Bawi hla Dawtmi Dingdi cu US hrambunh ChinTube nih Kum 100 Chungah Chinmi nih uar bikmi le duh bikmi hla tiin laksawng a pek caah lunglawmhnak tampi kan ngei,” ati.

P. Thawng Bawi nih atanglei bangin lunglawmhnak bia a chim

“Song of the Century” 

A pe tu Mipi cungah kaa lawm tuk. A vote tu vialte upatnak kan pek hna. Kaa lawmtuk.

Hi award hi “Pathian nih Nunnak le Damnak a pek chung cu Hla ka phan lai, Hla ka sa lai”  ka ti tawnmi ka Decision a van fehtermi bak a si tiah ka ruah.

Tawlreltu ChinTube cung hrim ah lawmhnak sangtuk ka ngei. Na riantuan mi a sunglawi tuk. A pical tuk. Laimi cawisangtu nan si, hmailei ah Bawipa Pathian nih lam in hruaipi peng rih hna seh.

Ka fan ahmasabik a si mi Hringtu ka Pa le Ka Nu cung zongah lawmhnak chim ka duh. Hlasak ka rak zuamtuk hmasa lio khan  Ka Pa le ka NU nih thazang rak ka pe hna hla seh law, P.Thawngbawi timi hi a um kho lai lo. Ka Pa nih a kan liamtak cang nain, Nihin Award ka hmuhmi hi ka pa zong vancung khua in a rak I lawm tuk ve ko lai tiah ka zumh.

Cu lawng si lo, lawmhnak ni ah a ka telpi tu dawtmi hawikom vialte cungah kaa lawm tuk hringhren. Sunglawi tuk in a ka tuahpi tu nan cungah lawmhnak chim cawk lo ka ngei.

A donghnak ah

Dingdi hla i a hrampi a simi Dawtmi Dingdi Dadeo Cer cungah kaa lawm tuk. Ka hnu he hmai he a ka dirhkamhtu asi.

Sunglawi tuk in a ka tuahpi tu nan cungah lawmhnak chim cawk lo ka ngei. Suprise Party a hram in a donghtiang a tawlrel tu  DavidLai (Thawngpi), Chawsuh, Maruata ( the Book cafe a ngei tu) cung ah siseh, Sunglawi tuk i a ka telpi tu ka Unau BenBen (Benjamin Sum, Pu Davida Zhmar_Dream Hunter, Pu Thangboi le USiampui, Ka hawipa Siama, Betty MangHlei Tial, Biakku_Biakhleipar, Ron le UBiak)

Nan zaapi kan dawt dih hna. Bawipa nih in umpi cio hna seh.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...

Ukraine cu Poland nih ral tuknak vanlawng 28 bak FREE in a pek

Update: US nih a duh lo caah an leet. Poland nih dairek in Ukraine kuat a ngamh lo...

US: Ukraine nih a tei lai

US Ramdang Vuanci Pu Blinken (hmanthlak) nih, "Ukraine nih teinak a hmuh lai," tiah a chim."Russia nih Ukraine...