16.4 C
Hakha
Thursday, July 29, 2021
- Advertisement -

Ṭial Tharmi

Online In Ralzaam Thar Soknak Kong He Pehtlai In CRC Thawngthanh


1. Ahmasa bik ah online chungin mithar soknak kong he pehtlai in CRC nih thawngthanh kan tlai deuh caah na kan theihthiam naklai kan in nawl hna. Kan tlainak a ruang cu nihin 03 December 2019 ah Community upa te le UNHCR lutlai ton biaruahnak ngeih hmasa hnu ah thawng fiang kha kan mipi hna sinah thanh kan in duh hna caah a si.

2. Cu kong he pehtlai in COBEM (Coalition of Burma Ethic Malaysia) chungin upa cheukhat le UNHCR lutlai Thomas Albrecht le a rianttuan tti hawi pathum hna cu nihin nazi 4pm – 5pm tiang UNHCR zungah ton biaruahnak kan ngei hna. Online chung mithar soknak kong he pehtlai in biaruahnak kan ngei. Kan biahalmi vialte lakah mipi nih theih a herh ko kan timi tete lawng a tanglei bangin kan rak langhter.

(a) A hram thok bikah 26 November 2019 ni ii Kachin kan unau minung 70 UNHCR zungah kal in appointment catlap an rak peek hna nak kong kan hal hna. 

(b) UN lutlai Thomas le a rianttuan tti pawl nih a kan lehmi cu Lisu (Kachin) nih min chim duh lomi NGO pakhat sin in thawng dik lo an ngah caah UNHCR office ah registration tuah dingin an rak ra. Ngakchia le nunau deuh an si caah kan rak peek sualmi hna asi tiin a kan leh. Mahlio ahcun Thomas nih keimah zong ka um lo lio a si a ti. Mah thawng dik lo thei in mipi a thong leng UNHCR zung i an rak chuahnak kha a si. Mah cu ruang bik ahcun registration an tuah hna tiin thawngpang dik lo a chuahnak zong cu a si. Mipi caah a tthahnem lai tiin online website zong cu an rak sernak a si.

(c) Hi website kongah kan i fian/theih a herhmi cu:

1. Hi online website soknak in ralzaam thar na kan laa taktak lai maw tiah biahalnak kan ngeih hna.

A kan lehmi cu UNHCR nih mithar a laak bak lai tinak a si lo ii a laa bak lai lo tinak zong a si lo. Hi website hi ralzaam thar laaknak ding lam tampi lakah ai tel vemi pakhat cu a si ko. A sinain, ralzaam thar laaknak dingah soknak lawng a si. Laaknak dingah tuahmi a si rih lo. Zeitik ah a kan chawnh lai ii a kan laak lai ti zong chim khawh a si rih lo. Nizan lawngah an onmi a si caah zeitik ahdah leh le chawnh a si lai ti chim awk a ttha rih lo. 

2. Hi online min peeknak ahhin 2013 lio asylum seeker catlap le card chuh ciami pawl kha cu sok tthan a ngah lai lo. A ruang cu 2013 card/catlap chuh ciami pawl cu (final rejection) a hnu bik tiang cohlan ti lonak nan rak ton cang caah sok a ngah ti lo tiah a kan leh. A sinain, ICC (Independence Chin Community) upa pawl nih zohfel tthannak dingah nawlpiaknak kan rak ngeih cia bantuk in nihin COBEM le UNHCR ton biaruahnak zongah CRC (Chin Refugee Committee) le ACR (Alliance of Chin Refugees) hruaitu nih Thomas le a rianttuan hawi pawl sinah kan chimchap rih. 2013 card chuh cangmi pawl caah zohfel piak tthannak cu kan in ngeihpiak tthan ko hna lai tiah a kan ti. Caan karlak ah timhtuahnak le a herhmi dang a tam tuk caah zeitik ahdah a phi chuah lai cu kan chim kho rih lo tiah a kan ti. Card le catlap chuh ciami pawl nih kan tonmi kan zawtfah ruang ii siizung kai a harnak le catlap ngeih ti lo ruangah harnak kan tonmi pawl zong kan chimh ko caah mipi zong nih lungsau deuh in um rak i zuam ko hna usih.

Online chungin ralzaam thar sok tikah theih a herhmi:

1. Card a ngei bal lomi nihcun rak sok ko uh tiah kan in forhfial hna.
2. Case zong ttial a hau rih lai lo.
3. Community card asiloah mah pumpak hmanthlak kuat chih khawh asi. Chungkhar milu zat in community card asiloah hmanthlak a hau lai. Nain, UN website ah “kuat lo zongah apoi lo (optional) ati ko caah na kuat lo zongah a poinak um lo.
4. Mah hi ralzaam sinak kan sok tikah minung/chungkhar pakhat nih voikhat lawngin sok ding asi lai. Zei ca tiah minung/ chungkhar nih voi tampi cio kan sok ahcun cu nih cun UNHCR lei rianttuan ning le an rian a tamter caah kanmah kong zoh dingin caan a hnut ter chin lengmang lai.
5. Fiangfai deuh in theih le hngalh nan duh i bawmh nan herh rih ko ahcun thaizing 04 December 2019 thokin CRC zungah rak rat in ralzaam soknak kongah bawmh rak hal khawh a si. 
6. A hnu deuh ah mipi nih kanmah tein kan sok khawh cio nakhnga tiah Laica in kan rak lehmi zong taar khawh kan rak i zuam tthan lai.

Sok ning VIDEO zoh ve

Note: Chin ralzaam paoh nih CRC hi kan zung a si ti thei bu tein ruahnak hal le bawmh hal khawh peng a si.

Siaherhnak he,
CRC

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -