Online ah UNHCR card thar sok khawh a si timi kongah ICC thawngthanh

- Advertisement -

Independent Chin Communities (ICC) tiin auhmi Malaysia Chin ralzaam bu 5 (ACR, CRC, FRO, ZAM le Dai) nih Online ah UNHCR card thar sok khawh a si timi kongah thawngthanhnak a tuah.

ICC: Atu hrawng cu online ah UNHCR card thar sok khawh a si tiin thawngpang a leng ngai.

A kan halmi kan member pawl zong nan um len. Thil sining fianh kan in duh hna.

UNHCR nih online in mi thar min apnak a tuah cu a luancia 2019, December 2 ahkhan a si cang.

Mi tam deuh cu ACR, CRC, FRO, ZAM le DAI tibantuk mah le community cio in an sok hna. Cheukhat cu Ref number zong pek an si.

UNHCR card thar sok kongah ICC thawngthanh

A hnu lawngah mah number cu pek um ti lo. Mah lio i a rak sok cangmi pawl cu atu ah a thar in sok tthan a hau ti lo tihi theihter kan in duh hna.

Atu ah a thar in min nan pek ahcun a ran/rang deuh hlei lai lo pinah nan min tu aa thuat lai.

Cu ruangah, a sok cangmi nih cun UNHCR lei thawngthanh tu rak hngak ko uh. Mi dang zong hngah cio a si ko.

A sok rih lomi nih cun mah hi hmet law UNHCR website ah sok khawh asi. Sok (min pek) cu a ngah ko nain ngah/lo cu UNHCR nih bia a khiahte ding si caah hohmanh nih chim khawh si lo.

Atu lio cu pulrai ruangah mithar min pemi an zohpiak rih hna lo nain a thian cun kan zohpiak ko hna lai tiah UNHCR nih ati. Mah hi hmet law tling tein rel khawh asi.

Card chuh cangmi cu UNHCR website ah sok loin email in sok/nawl asi. Mah hi hmet law tling tein rel khawh asi.

Mi pakhatkhat nih UNHCR card hmu dingin kan in tuah piak lai tiin tangka an in hal ahcun zumh lo ding si lai. Nan ngah hmanh ah a deu tu si lai.

UNHCR card cu free a si. Tangka liam a hau lo.

Cu ruangah, Malaysia um Chinmi nih UNHCR kong he pehtlaiin nan hngalh lomi paoh cu mah le community sin cio ah hlathlai hmasat a tthabik.

Azi
Azi
Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cangmi asi.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...