20.6 C
Hakha
Tuesday, June 22, 2021
- Advertisement -

Ṭial Tharmi

Aung La Nsang cu teiman laksawng pinah bonus $50,000 an pek chih

Japan ram ah tuahmi MMA (One Championship) zuamnak ah American- Philippines fighter Brandon Vera a tei i Light Heavyweigh Champion taisawm a kilveng khotu Aung La Nsang cu teiman laksawng (winner prize) pinah ONE Champion nih na thiam tuk tiin lawmhpinak bonus US$50,000 a pek chih.

October 13 ahhin puai 26 hrawng an i phomh hna. Mah vialte aa phomhmi lak ahcun Aung La Nsang le Singapore nu Angela Lee lawng hi laksawng pinah bonus $50,000 veve an pek hna. Adang cu punghman laksawng lawng an pek hna.

October 13, 2019 i Japan ram, Tokyo khuapi um Ryogoku Kokugikan certual ah tuahmi MMA zuamnak puai ah Kachin miphun Aung La Nsang nih Brandon Vera cu round 2 ah puai piat bakin a tei colh.

“A caan ahcun thil hi kan i ruah ningin a kal tawn lo. Asinain, a tthabik in kan i zuam. Atu result hi kaa nuam lo. Ka sungh caah ka ai cu puang ko. Nain, Aung La Nsang cu ka lawmhpi. Atu teinak hi Aung La he aa tlakmi a si ko,” tiah Vera nih a chim.

Aung La Nsang cu 2018 February ahkhan Brazil MMA fighter Alexandre Machado a tei i Light Heavyweigh Champion taisawm a lak. Aung La nih Light Heavyweigh Champion taisawm a lak kum 1 hnu ah a taisawm a kilven avoi khatnak a si.

“Aung La Nsang nih Champion taisawm cu a tthabik in a kilven khawh ruangah lawmhpi can ah US$50,000 laksawng kan peknak hi a si” tiah ONE Championship CEO Chatri Sityodtong nih social media ah a ttial.

“Champion taisawm a kilven khawh ruangah Aung La cu kan lawmhpi. Aung La nih Vera a tei. ONE caah a tthabik in a kan zuampiaktu Aung La cung ah kan i lawm tuk” tiah Chatri Sityodtong nih a ti.

Cun, nu atomweight champion simi Singapore nu Angela Lee zong Xiong Jingnan a tei ruangah ONE Championship nih laksawng ah US$50,000 a pek ve.

Kum 34 simi Aung La Nsang cu MMA zuamnak ah puai 36 aa zuam cang i puai 26 teinak a hmu. Puai 10 a sung. Atu lio ahcun MMA (ONE Championship) ah Light Heavyweigh le Middleweigh Champion a si. – 7Day Daily

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -