23.7 C
Hakha
Thursday, June 24, 2021
- Advertisement -

Ṭial Tharmi

October 1 in Myanmar ah ‘Unicode’ lawngte hman asi cang lai, Zawgyi an hlawt

Kawlca ttialnak le relnak caah kan hman ciomi Zawgyi cu chanthar technology he aa kaih lo caah Unicode lawngte hman dingin Myanmar cozah nih nawl a chuah cang. April thla thok cun Myanmar cozah zung vialte nih Unicode an hman dih cang.

October 1 thok cun Myanmar ram chung company vialte zong Unicode lawng hman dingin Myanmar cozah nih nawl a pek dih cang hna.

Telenor, MPT, Samsung, Apple, Huawei, Facebook, tbk., company vialte le cozah zung vialte nih October 1 thokin Unicode lawngte an hman cang lai caah Kawlca rel a duhmi Chin mipi zong nih kan phone le computer ah Zawgyi hlonh in Unicode khumh a hau ve cang. Mah lo cun Kawlca tam deuh kan rel kho ti lai lo.

Zeitin dah ka phone le computer ah Unicode font le keyboard ka chiah lai

Zawgyi font kha na delete hmasa hau. Mah lo cun Unicode na khumh zongah a ngah lai lo. Zawgyi sernak caah an hmanmi technology hi Unicode technology he aa kaih lo caah hman tti khawh an si lo.

Zawgyi font na delete hnu ah mah link hi hmet law Unicode font download nak ah an kalpi lai.

Apple sermi Iphone le Mac ahcun atu zong Myanmar Unicode font a um cia dih cang.

Tu hnu a chuakthar phone le computer paohpaoh ahcun Unicode font khumh cia dih asi cang lai caah mah tein khumh a hau ti lai lo. Nain, Zawgyi na khumh sual bak ahcun Unicode a thi lai. Ti le mei bantuk an si.

Zei ruang dah Myanmar cozah bak nih Zawgyi in Unicode ah a tthialpi hna

Zawgyi font le keyboard sernak caah an hmanmi technology hi atu lio vawleipi nih hman ciomi technology he aa khat lo. Cattialmi computer chimternak, Machine Learning, Google Translate, Database Optimisation, Myanmar character upload and downloading, tbk., ca zongah Zawgyi cu hman khawh asi lo caah Myanmar cozah nih vawleipi hman ciomi Unicode technology ah a tthialpi hna nak asi.

Rianrang tein Unicode ah kan i tthial khawh lo cun tthial-karlak ah mipi harnak an tong sual lai, ti an phan caah August thla dongh lai ah Myanmar Unicode Migration Launch puai zong an tuah i Lamsul le Pehtlaihnak Vuanci le adang vuanci tampi an kai. Actor Lu Min zong Myanmar Unicode biachimtu ambassador ah an thim.

Zei ruang dah hmasa tein vawleipi hman ciomi Unicode technology in Kawlca relnak cu an tuah lo

Ralkap bawi chiahru nih Myanmar ram an uk i mipi an hrem tuk hna caah US le Europe nih kum 70 chung Myanmar ram chawleh a kham. 2010 hnu ceo ah pakhat hnu pakhat a onpiak.

Mah ruangah vawlei cung technology company tumtlang vialte Kawlram an lut kho lo. Kawlram le Nitlaklei ram pehtlaihnak a cat.

Mah ruang cun Unicode technology cu Kawlram ah hman khawh a rak si lo. Hi lio cun computer in Kawlca ttial le rel khawh zong a rak si lo caah Kawl holh awchuah khi Mirangca in ttial a rak si.

Hitin cun a si kho lo an ti caah Kawl computer thiam pawl nih Kawlca ttialnak le relnak Zawgyi font le keyboard an ser. Nihin tiang kan hman peng.

- Advertisement -

Ṭial Tharmi

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...
- Advertisement -

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

UN Thawngthanh: Malaysia Refugee pawl COVID-19 raikhamsi chunh dingin min pek khawh asi cang

Malaysia um ralzaam le ralzaam-soktu pawl cu COVID-19 raikhamsi i chun dingin min cazin pek khawh asi cang. Raikhamsi chunh a duhmi paoh cu Malaysia...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -