Home Myanmar NUG cohlan dingin South Korea cozah an hal

NUG cohlan dingin South Korea cozah an hal

Rammi Lungrualnak Cozah (NUG) hi Myanmar cozah taktak asi tiin South Korea Hluttaw le cozah nih kan pom piak, tiah South Korea um Chin Mino Bu (CYO) telh in Myanmar bu 20 nih an hal.

NUG pompiak dingin South Korea cozah sinah ca an ṭialmi cu South Korea um Myanmar bu 20 nih min an thut pinah South Korea bu 200 leng zong nih an thut ve.

Cutin an halmi kong cu media sinah thawng thanhnak an tuah i atu lio South Korea cozah tlaitu party member MP pawl nih an telpi hna i, “Myanmar nih democracy a ngah ṭhan ding hi kan duh i NUG cozah hi kan cohlan. Kan ṭuan hawi MP dang pawl zong nih cohlang ve dingin kan forhfial hna lai,” tiah media sinah an chimpiak ve hna.

Halnak ca cu South Korea Ramdang Policy Sertu Kawmiṭi Chairman MP Lee Yoon-san sinah an pek.

Mah ca cu a rauh hlan ah Korea Hluttaw meeting ah an ceih lai i NUG cozah cohlan/lo an khiahte lai.

Exit mobile version