North Korea mangttam ruangah a zaammi nufa Seoul ah rawlttam in an thi

98,773FansLike
51FollowersFollow

Han Sung Ok le a fapa kum 6 te cu South Korea khualipi Seoul ah thla 1 $74 in an hlanmi inn chungah an thi, thla 2 hnu July ahkhan an ruakin an hmuh hna. An thawngpang nih mi tampi ngaih a chiatter.

Nain, Han Sung OK cu North Korea ram mangttam ruangah a zaammi si, cun vawlei cung khua rum bik a si vemi Seoul khuapi ah anmah nufa te lawng rawlttam in an thi ti an theih tikah a thawngpang nih South Korea ram pumpi a cul dih.

An ruak a thut tuk caah an thihnak aruang hngalh khawh si lo, tiah cozah nih a chim. Nain, South Korea media tampi nih, “rawlttam in an thi” an ti. Cozah zong nih a al hna lo.

Kan hnu thla ah mah thawngpang a phuangtu media nih “rawlttam in an thi, mah lo cun an thihnak ding lam um lo tiah min langhter a duh lomi palek nih a kan chimh,” tiah a ttial.

“North Korea mangttam in a zaammi cu South Korea ah rawlttam in thih ruah ah maw si kun… ti ka ruah ah ka celh lo. South Korea cun rawl a tamtuk nak ah rawl ei sum hmanh alar tuk si,” tiah North Korea in a rak zaam vemi Heo Kwang-il nih a chim.

Han cu 2009 ah North Korea mangttam in South Korea ah a zaam, tiah cozah cazin ningin theih asi.

South Korea a phak ka ah zarh 12 chung credit card hman ning le mawttaw mongh ti bantuk South Korea ram khuasak tintuknak caah a herhmi a cawng. North Korea in a zaammi paoh cu South Korea cozah nih duh/lo zongah a cawnter dihmi hna si.

North Korea in a zaammi hna cu cozah nih mandeng apartment inn ah a chiah hna. Bawmhnak a pek hna i an zawt cun manlo in a thlop hna, pawcawmnak caah rian a chimh hna.

Nain, North Korea ahcun zeihmanh an theihmi um lo caah mi tampi cu mah buin an i harh tuk tthiam. South Korea ahcun a kan neek tuk tiin cheukhat cu North Korea ah a kir tthanmi zong an um.

Ṭial Tharmi

US Kawlram nu Su Hliang cu a ruak in an hmuh

US ram, Oklahoma khuapi um kum 16 Myanmar nu Su Hliang cu ni 2 chung a tlau hnu ah a ruak in...
Abiy Ahmed

Ethiopia PM Abiy Ahmed nih 2019 Nobel Peace Prize a ngah

2019 Nobel Peace Prize cu Ethiopia Prime Minister Abiy Ahmed an pek. "Daihnak lenter dingin le ramdang he i bawmh aa zuammi"...
Nilen Parmawi hla thar 'Min Sung Bik' a chuak cang

Nilen Parmawi hla thar ‘Min Sung Bik’ a chuak cang

Hlasak thiam Nilen Parmawi nih tuni ahkhan Pathian thangthatnak hla 'Min Sung Bik' aa chuah i a tanglei bantuk in ca a...

Hakha ah 4-star hotel pathum an sak lai

Chin state ah a um bal rih lomi 4-star level hotel pathum (3) sak dingin company le Chin state cozah nih lungtlinnak...
Conor McGregor cu biaceih zung a phan

Conor McGregor cu biaceih zung a phan

UFC fighter Conor McGregor cu Republic of Ireland ram, Dublin peng ah a ummi zuu dawr ah mipa pakhat a rak thongh...
Lianhttps://www.thechinexpress.info
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.

US Kawlram nu Su Hliang cu a ruak in an hmuh

US ram, Oklahoma khuapi um kum 16 Myanmar nu Su Hliang cu ni 2 chung a tlau hnu ah a ruak in...

Ethiopia PM Abiy Ahmed nih 2019 Nobel Peace Prize a ngah

2019 Nobel Peace Prize cu Ethiopia Prime Minister Abiy Ahmed an pek. "Daihnak lenter dingin le ramdang he i bawmh aa zuammi"...

Nilen Parmawi hla thar ‘Min Sung Bik’ a chuak cang

Hlasak thiam Nilen Parmawi nih tuni ahkhan Pathian thangthatnak hla 'Min Sung Bik' aa chuah i a tanglei bantuk in ca a...