21.5 C
Hakha
Monday, February 24, 2020
More

    NLD nih Facebook ah vuancichoh capo hmanthlak tartu taza a cuai hna

    Follow Us

    99,980FansLike
    441SubscribersSubscribe

    Ṭial Tharmi

    - Advertisement -

    Mandalay NLD zung ah thawngthanh rian a ttuanmi pa nih Facebook ah Mandalay vuancichoh capo hmanthlak a tartu minung 2 taza a cuai hna.

    Mipi nih an fih taktakmi Thawngthanhnak Upadi Dal 66 (d) in “Mandalay vuancichoh (NLD party member) thangchiatnak thil an tuah” tiin taza a cuai hna hi si.

    Aung Pyae San Win le Swan Ka Bar timi account 2 nih We Love Dauk Zaw timi Facebook group ah Mandalay region cozah hruaitu Dr. Zaw Myint Maung hmanthlak an tar i capo ca an ttial chih caah NLD nih taza a cuai hna hi si.

    “Kan party nih an ka fial caah vuancichoh aiawh in palek sinah ka report hna,” tiah Mandalay NLD zung rianttuan Ko Ponya Swe nih a chim.

    Mandalay Palek Sakhan No. 11 nih, “thil sining kan hlat lio asi, biaceihzung ah chuahpi/lo cu hnu ah bia kan khiah te lai,” tiah a chim.

    Dr. Zaw Myint Maung nih a kutthlir lio [mi a don hna lio si men lai] hmanthlak an tar i “na hmai ah kan bengh lai” tiin ca an ttial.

    “Dawtnak a ngeimi ka si i keimah kong cu keimah nih ka hngalh bik”, “Dawt, ka mang ah kan hmuh lengmang” ti le “Hey, nangmah nungak nakin keimah nungak a ttha deuh” ti zong an ttial.

    Vuancichoh nih, “an tarmi pawl hi kei cu pakhat hmanh ka hmu lo. Nain pumpak kong cu ka chim lai lo. Ramkhel kong lawng ka chim lai,” tiah region Hluttaw meeting dih hnu ah a chim.

    Yangon region vuancichoh U Phyo Min Thein zong “We Love Kwee Phyo” timi group an tuahpiak ve i member 2 million leng an um cang. Phyo Min Thein nihchuak capo hmanthlak a zaza an tar cang nain tazacuai an tong hraw rih lo.

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.