24 C
Hakha
Monday, November 18, 2019
More

    NLD le USDP an daih lio ah CNLD nih Chin mipi dirkamhnak cathanh chuah

    Follow Us

    99,184FansLike
    135SubscribersSubscribe

    Ṭial Tharmi

    Facebook nih fake account 5.4 billions hrawng a thah

    Facebook nih, "tu kum chungah fake account 5.4 billions hrawng kan thah i, ngakchia hremnak le mahlemah thahnawnnak an tarmi million tampi...
    - Advertisement -

    Chin state Paletwa pengah Rakhine hriamthlai AA nih Chinmi thong tampi harnak an pek hna pinah, November 3 zongah Chin MP Hawi Tin an fir i atutiang an thlah rih lo.

    Mah tlukin Chin MP le Chin mipi harnak kan ton lio ah NLD le USDP party cu zei poi loin an ṭhu huar i an kaa an cip peng ko. 2020 Thimnak tuah lai vial ahcun ‘kanmah hi kan vote ulaw nan caah a tha bik lai… cu e kha e’ tiin a kan lem len hoi lai.

    CNLD cu a ṭhu sawh kho lo, atanglei bangin AA cu fak ngai in a phomh hna.

    Amyotha Hlutdaw MP Pu Hawi Tin (Chinmi) le Kaladan ṭhanchonak rian a ṭuanmi India rammi pawl 2019 November 3 ah Chin state Paletwa khua in Rakhine state Kyauktaw khua lei ah tilawng in an kal lio lam tanṭim ah Rakhine hriamtlai AA nih nan tlaihmi hna hi CNLD kan lungrethei tuk hringhran.

    2015 ah AA hriamtlai pawl Chin state Paletwa pengah nan luh thok in atutiang ahhin Chinmi kan caah ṭhatnak zei taktak hmanh a chuakmi um lo, chiatnak lawngte (minung 10 an thi, 82 nan tlaih hna, minung 4,000 leng innlo chuahtak in nan zaamter hna) a chuak, tiah CNLD nih ati.

    Mah pinah, ral nan thawhnak Paletwa peng um khuate tampi cu an pawcawmnak rian an ṭuan tawnmi zong ṭhaṭhi in ṭuan kho loin nan chiah hna. Adang ṭhanchonak rian tampi zong hmainor kho loin nan tlaiter dih, ati.

    Dothlennak caah hriamnam a tlaimi tlangcungmi nih nan i tinhmi nan ṭuan tik ahhin nan hawile tlangcungmi pawl kar ah dawtnak hrawktu a simi tuahsernak hna cu hrial hrimhrim dingin kan in forhfial hna.

    Mah pinah, mipi him tein tlunkalter ding, unau tlangcungmi karlak ah dawtnak ser ding, kan duh lomi miphun buainak chuahter lo ding le atu nan tlaihmi Pu Hawi Tin le Chinmi vialte a rannak in thlah dingin fak piin kan in forhfial hna, tiah CNLD nih cathanh a chuah.

    Nawlnak: Kan website chung ca hi website dangah copy piak lo dingin kan in nawl hna.
    Lian
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.