23.7 C
Hakha
Thursday, June 24, 2021
- Advertisement -

Ṭial Tharmi

Nilen Parmawi nih a nu dam lonak kong a chim

Hlasak thiam le ttamh thiam Nilen Par Mawi i a nu cu a thluak ah abomi um ruangah naite ahkhan operation an tuah. Mah kongah Nilen Parmawi nih a tanglei bangin a chim.

Nilen Parmawi: Ka nu cu a luancia kum 1 hrawng ah a lufak. Nikum ahkhan kan chung ning tein Norway ah kan tlawng i mah lio ahcun ka nu cu a lu fak.

Nain, ka nu nih zeihmanh a chimlo. Kum 1 chung ka lufak tiin zeimaw caan ah amah duh khin lufah sii a din. Luhfah sii a din ahhin chikhat cu a dam nain a thaizing ah a fak tthan.

Ka nu nih a chim lo tikah kan chungkhar dihlak nih kan theilo. A luancia thla 2 hrawng ahkhan ka nu nih a lufah ning aa phundang deuh a ti.

Inn khawh lo tiang cun a fak lo nain voidang a luhfah he aa lo lo a ti. Ka nu cu Hakha ah a umi i keimah le ka tta tlawn pah ah Yangon ah i piah dingin a ra.

Ka nu cu clinic ah kan kalpi i sibawi nih CT scan, X-ray le ECG a kan thlakter dih. Mah ahcun ka nu i a kehlei thluak chungah abomi an hmuh.

Sibawi nih operation kan tuah lai a ti. Ka nu cu a ttihtuk i operation tuah loin sii din lawng a dam kho lai lo maw a ti.

Nain, sibawi nih operation tuah lo ahcun a hnu ah abomi kha a tthang lai. Cun, kehlei thluak a si tikah orhlei pum cheu a zeng kho. Holh kho lo zongin um khawh a si a ti. Sibawi pa nih cun operation tuah ah a ttha a kan ti.

Pathiang thawng le mipi thlacam piaknak thawngin ka nu cu tlamtling tein operation aa tuah dih cang. A thluak chung bomi cu kan checkter hna i cancer silo an ti.

Ka nu cu a kehlei thluak operation tuahmi ruangah atu hi a orhlei kut le ke a cawlcangh ning tha a der rih. Thil tlaihter zong ah a thei rih lo, a zeng bantuk khin a um. Nain, sibawi nih cun a ttha te ko lai a ti. Thla 2,3 cu sih rih ko lai a ti. Sii dinawk an pek, atu cu ka nu pawngah ka um lio asi.

- Advertisement -

Ṭial Tharmi

Malaysia boss pawl nih ‘lockdown donghter cang’ tiin cozah an hal

Kuala Lumpur: Malaysia Rianngeitu Phu (Malaysian Employers Federation - MEF) nih, "Full lockdown (FMCO) hi a rannak in donghter cang," tiin nizaan ah cozah...

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...
- Advertisement -

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -