16.3 C
Hakha
Sunday, August 1, 2021
- Advertisement -

Ṭial Tharmi

Nilen nih a customer nu hlen a tonmi kong ah a lungthat lonak a chim

Awttha le makeup artist simi Nilen Parmawi nih kan theih cio bangin online ah sui, hnipuan, tamhnak le thilri dangdang a zuar tawn hna.

Naite ahkhan sui dawr pakhat i an sui pawl a zuarpiak hna lio ah customer nu pakhat cu page aa palh ruangah tangka hlen a tong. Mah kongah Nilen nih Live in a lungtthat lonak le mipi sin ralrin peknak bia a chim.

Nilen Parmawi: Messager in kan unu pakhat nih ca a rak ka kuat. Live in thil ka zuar lio ah diamond thilep pakhat a ka cawk.

Sui le diamond ka zuar cu voi 2 lawng si rih. Sui dawr min le kan unu min zong ka chim duh ti lai lo. Anmah kong chim ka duhmi siloin aho paoh ralrin le theihnak ca ah chim ka duhmi a si.

Kan unu nih diamond thilep cu Live in sui ka zuarnak page min aa khatmi page ah a va cah. Tthumh deuh ding zongin a chimh hna. Live thlah lio ah a cawkmi si i a dih hnu ah chat box ah pehtlaihnak phone number, kuatnak address le tangka kuat nak kong a halmi hna a si.

Nain, mah page cu a deu a rak si. Keimah Live in sui ka zuarnak cu official page a si. Thil ka zuar paoh ah comment nak a cungbik ah page min kan chiah tiin ka chim lengmang ttheu.

Hitin page min pin kan tuahmi hi a sawhsawh silo. Page deu a tamtuk ruangah a si.

Atu ahcun kan unu cu hlen a tong cang. Tangka zong a kuat cang hna. Khuate lei ah a ummi a si i wave in tangka cu a kuat hna. Kyats 580,000 bak a sung.

Live i ka zuar lio ahcun Kyats 600,000 leng man a si. Nain, page deu nih tangka hmuh an duh caah Kyats 580,000 in an tthumh.

Live in sui ka zuar lio ah a ka cawkmi hi diamond thilep a duh ruang zong ah si lai, keimah thazaang pek a ka duh ruang zong ah si kho. Cucaah, ka lungttha lo tuk.

Atu Covid-19 pulrai lio ahhin mi tampi cu online lawngin rian an ttuan hna. Ttha tein rian a ttuanmi an um lio ah mihrokhrol, mi zawnruahnak ngei lomi an rak um ve.

Atu lio caan cu aho paoh harsat lio caan a si tikah a hlan ahcun atu an thil tuahmi hi a ttha lo ti an theih ko nain dinei awk an ngeih ti lo ahcun an duhmi paoh an tuah ko lai.

Cu ruangah, zaangfahnak tein Live in thil ka zuar tikah comment nak cungbik i ka chiahmi page min hi a sawhsawh ah ka ruahpiak hlah uh. Abiapi tukmi a si.

- Advertisement -

Ṭial Tharmi

Myanmar uknak firtu Min Aung Hlaing nih ‘thimnak kan tuah lai’ ati than

Myanmar mipi thimmi cozah uknak a chuttu ralkap bawizik Min Aung Hlaing nih thla 6 hnu tuni ah, "party dihlak telh in thimnak kan...

Australia Chinmi chungin palik officer kan ngeih hmasa bikmi Sang Bawi hmurka

Sang Bawi (hmanthlak) hi Australia ram ah Chinmi chungin palik officer a kan ṭuanpiak kho hmasa bikmi asi. Queensland state khualipi Brisbane ah Police...

Malaysia: Pu John Kham le CRC nih COVID-19 mizaw Chinmi rawl an chanh hna lai

Malaysia um Chinmi zohkhenhnak bu Chin Refugee Committee (CRC) le Pu John Kham nih CRC zung pawng sang 6: PuduImbiLoke YewMaluriJalan Sungai Besi leBukit Bintang...
- Advertisement -

CNF le CDF nih Kawl Ralkap 26 leng an thah hna

Chin National Front/Army (CNF/A) le a ṭengnge Chinland Defense Force (CDF) nih July 19 in 31 kar ah Kawl Ralkap 26 leng an thah...

Malaysia: KL le Selangor um Chinmi vialte appointment hau loin raikhamsi chunh khawh asi

Kuala Lumpur le Selangor um ramdangmi vialte, UNHCR card ngei he ngei lo he appointment sok hau loin August 9 in 22 tiang raikhamsi...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -