Ni Len Par Mawi Vote Pek Khawh Si Cang

Nilen Par Mawi

Myanmar Idol season 3 ah a tangmi top 7 hna cu tuzaan ah မိုးသီခ်င္း in an i zuam hna. Top 7 Finalists zuamnak ah hin minung 1 tla ding a si.

Ni Len Par Mawi hi nai tan an i zuamnak ahkhan bottom 3 tthutden ah a tthu ve. Cucaah, ramchung le ramleng ummi Chinmi nih vote tampi kan pek a hau cang.

Tuzaan ah Ni Len Par Mawi cu L Sai Zi hla ‘Moe Yarthi Htae” in aa zuam i verse 1nk a sak lio ah hlabia a philh sual. Cu konghe pehtlai in, “na ngeihmi thazaang dihlak in a thabik in na sak khawh. A hramthok i tlawmpal te naa palhmi kha cu a poi tuk lem lo,” tiah biakhiaktu Myo Kyaw Myein nih a ti.

“Nang cu na hlasak ning le na aw ahcun tampi chim awk um lo. A hramthok i na palh sualmi te kha cu um phung a si ko. Keimah zong ka si bal ve ko. Kan theihthiam ko,” tiah biakhiaktu Yan Aung nih a ti.

“Tlang cungmi hi nu he pa he kawl rawn ummi nakin tei nan rial deuh. A tlangpi in zoh tikah na thiam ngai,” tiah biakhiaktu Myanmar Phyi Thein Tan nih a ti.

 

“Mah hla naa thimmi hi a tha ka ti lem lo. Hi hla cu a niam le sang in sakmi a si pin ah key thlen zong a um. A hromthok na palh in khan hi hla hi kaa palh sual lai ti thinphannak he na sak tiin ka ruah. Asinain, key thlen nak tu ahkhan a hung tha taktak hoi. Zarh khat hnu zarhkhat na tha chin lengmang,” tiah biakhiaktu Tinzar Maw nih a ti.

Ni Len Par Mawi cu atu in vote pek khawh a si cang i thaizing (Friday) 6pm tiang vote pek khawh a si lai.

Nilen Par Mawi vote pek ning

SMS vote – Ooredoo simcard a hmangmi nih 7777 ah 3 na kuat lai. 3 cu Nilen Par Mawi vote number a si. Ooredoo simcard lawnglawng in vote pek khawh asi.

App vote – Myanmar Idol app “MNTV Myanmar Idol” na install/get lai i Nilen Par Mawi hmanthlak ah vote nak um lai. MNTV Myanmar Idol app cu:

nilen parmawi vote

Nilen Par Mawi cu a awtthat lawng si loin ttamh (make-up) zong a thiam tukmi a si.

France company Loreal nih Myanmar ram pumpi ttamh zuamnak a rak tuahmi ah Pathumnak a rak ngah – ka hmet law mah kong cu relchap

Myanmar Idol cu 2016 in an thok i tutan hi a kum 3nk (season 3) a si. Ni kum Myanmar Idol laksawng cu ting 300 a si.

Tu kum Myanmar Idol ngahtu cu 50 million kyats (ting 500) pek pinah album chuahpiak a si lai.

Myanmar Idol a ngahtu hna cu;

  • Saw lah Htaw Wah = 2016 (Season 1)
  • Thar Nge = 2017 (Season 2)
  • 2018 (Season 3) winner?

1 Comment

Leave a Reply

Your email address will not be published.


*