15.1 C
Hakha
Monday, June 21, 2021
- Advertisement -

Ṭial Tharmi

New Zealand PM Pi Ardern nih Mangtara in Teinak a Hmuh Ṭhan

Chinmi tampi kan umnak le muidawh awṭha ngaknu Van Hlei Sung ram New Zealand cu nizaan October 17 ah Rampumpi Cozah Thimnak an tuah i cozah lutlai Prime Minister a ṭuan liomi Pi Jacinda Ardern, kum 40 party nih tam taktak in teinak a hmuh ṭhan caah a ra laimi kum 3 chung New Zealand ram hruaitu asi rih lai.

New Zealand ram ahcun cozah tlaih kum (term) hi kum 3 lawng asi. Kawlram cu kum 5 le US cu kum 4 tiin an i khat cio lo.

Tutan hi liamcia kum 50 chungah Pi Adern hruaimi Labour Party nih teinak nganbik a hmuh si.

PM Pi Ardern cu COVID-19 a tlangtlak ning a ṭha tuk tiin a rammi nih an thangṭhat tuk. Zawtnak aa thok cangka in lockdown a tuah colh i mizaw tam an karh manh lo. Tutan ah a party nih mangtara taktak in teinak a hmuhmi hi mah ruang bik ahcun asi lai, tiah zumh cio asi.

Mah pinah, Australia Mirangpa nih New Zealand ram Christchurch khua um muslim biakinn 2 ah aa pummi minung 51 a thah hna lio ah Pi Ardern nih hma a lak ning a ṭha tuk. Semi-automatic meithal pawl a khap colh hna. Thah tongmi chungkhar a va ton hna i a hnemh hna.

Cun, White Island um meitlang a puak i minung 21 an thih lio zongah Pi Ardern nih hma a lak dan a ṭhat tuk caah a rammi lawng si loin ramdangmi tampi thinlung zong a lak tuk.

Mah ruang cun nizaan ah a party nih tlang tiatia in teinak a hmuh hi si.

Atutiang vote an relmi ah Pi Ardern party nih Rampumpi Hluttaw (Kawlram cun Pyidaungsu Hluttaw) MP ṭhutden 64 (49%) bak a ngah cang. Atutiang vote an relmi result;

  1. Prime Minister Pi Jacinda Ardern hruaimi Labour party = MP 64 (49%)
  2. National Party = MP 35 (27%)
  3. ACT party = MP 10 (8%)
  4. Green party = MP 10 (8%)
  5. Maori party = MP 1 (1%)
  6. NZ First party = MP 0

Vote an rel dih rih lo caah a donghnak result cu aa dangte lai, nain Pi Ardern party nih tam tuk in teinak a hmuh ti cu 100% a fiang cang.

Kawlram nainganzi ahcun kum 40 minung cu ngakchia lungfim lo ah ruah deuh an si nain, Pi Ardern cu bia a chim cang cun mi nun a tongh tuk. UN ah bia a chim ah siseh, New Zealand ah bia a chim ah siseh a ngaitu nun ah dawtnak le ruahchannak tampi a chuahter.

2017 in Labour party a hruai cangka in an party cu mipi nih an uar ning vantawng bakah a kai i tutan bantukin Labour party nih kum 50 chungah teinak nganbik a hmuh hi si.

Kawlram nainganzi ahcun kum 40 minung cu zei tluk an fimthiam zongah “ngakchia” tiin party lutlai rian an pe hna hnga lo. Kawlram kan pale nih an lungput an thlen deuh cu a herh ve cang.

Pi Ardern nih teinak bia a chim lio

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -