New Zealand ah meitlang a puak i khualtlawng 5 an thi, 20 hliamtuar

- Advertisement -

New Zealand — Tu zaanlei 2:11pm (New Zealand caan) ah meitlang a puak i khualtlawng 5 an thi, adang 20 hliam an tuar.

Cheukhat cu fak ngai in a kangh hna. Minung 7 cu an hma a fah tuk caah an nunnak caah thinphang asi. Hliam a tuarmi pawl cu ambulance in pawngkam khua Whakatane sizung ah an kalpi hna.

New Zealand ram hruaitu nu Prime Minister Jacinda Ardern nih, “minung tam nawn kan hmu rih hna lo, palek nih an sik khawh chungin an kawl hna lio asi…,” tiah a chim.

Meitlang a puah lio ahhin a hmun ah minung 50 hrawng an um, tiah New Zealand palek nih an chim.

Hliam a tuarmi Whakatane hospital ah an kalpi

Tlai deuh ahcun a thimi le aa khawngmi dang an hmuh chap te khawh men hna. Mikhamhtu pawl nih an kawl cuahmah hna lio asi. Thawngpang thar um cun kan update te lai.

Meitlang a puahnak zawn hi ‘Bay of Plenty’ tiin auhmi rili cungah a ummi vawlei bite ‘White Island’ ah asi. Rili tlang in 50km hrawng aa hlat. Meitlang a nungmi um caah khuasami an um lo.

Khualtlawng pawl cu meitlang zoh dingin set-hle le helicopter in an va kal tawn.

Atutiang ahcun zei ruang dah a puah ti an hngal rih lo. A puak lai ti zong an hngal lo. Ruah lo piin a puakmi asi.

Meitlang a puah lio ah vutcam le meici cu van sangpi tiang an i hlorh i meitlang kiangkap ah an tla, khualtlawng pawl a tlak hna.

Ṭial Tharmi

Thantlang ah Vok zawtnak in vok 1,360 an thi cang

Thantlang khua ah inn zuatmi vok pawl cu Porcine Circovirus Type-2 (PCV-2) zawtnak ruangah an thi hna i April 20 in August...

Myanmar cozah nih ramdang ah aa tapmi a rammi 10,000 leng a lak cang hna

Myanmar cozah nih ramdang ah aa tapmi a rammi pawl cu vanlawng in a lak hna i August 12 zaan tiangah minung...

VP Pu Henry Van Thio: Tedim khua district ngahnak kong cu President biakhiahmi ah aa hngat

Myanmar Vice President Pu Henry Van Thio nih Tedim khua district ngahnak kong cu Myanmar President biakhiahmi cung ah aa hngat...

Malaysia ah Covid-19 mizaw thar 15 an hmuhchap

Tuni ah Malaysia ah Covid-19 zawtnak ngeimi 15 an hmuhchap hna i zawtnak ngei hmuhmi dihlak 9,129 an si cang.
- Advertisement -